چترال (نما یندہ چترال میل)چترال ضلعے میں پولیو کے خاتمے میں کمیونٹی کا تعاون قابل تعریف ہے جہاں والدین کی طرف پولیو قطرے سے انکاری کی کیسز تقریباً نہ ہونے کے برابر ہے جبکہ ضرورت اس امر کی ہے کہ محکمہ صحت کی طرف سے ٹھوس بنیادوں پر پولیوکے خلاف مہمات کو مربوط بنیادوں پر چلائے جائیں اور انتظامات میں کسی کوتاہی کا ارتکاب نہ کیا جائے۔ جمعہ کے روز ڈپٹی کمشنر چترال کے دفتر میں منعقدہ ڈسٹرکٹ پولیو ایریڈیکیشن کمیٹی (ڈیپک) کے اجلاس سے خطاب کرتے ہوئے ڈی۔سی چترال شہاب حامد یوسفزئی نے اس امر پر افسوس کا اظہار کیا کہ دو عشروں سے ذیادہ کا وقفہ گزرجانے کے باوجود پولیو کے خلاف مہمات میں نقائص اور غلطیوں کا اعادہ ناقابل فہم بات ہے۔ انہوں نے کہاکہ ضلعی انتظامیہ پولیو کے خاتمے میں اقدامات کرنے میں محکمہ صحت کے شانہ بشانہ حاضر ہے اور کسی بھی وقت کسی بھی رکاوٹ کوہٹانے اور ضروریات کو پوراکرنے کے لئے تیار ہے۔ اس موقع پر ڈسٹرکٹ پولیس افیسر سید علی اکبر شاہ نے سیکورٹی کے حوالے سے کہاکہ انہوں نے ڈسٹرکٹ پولیس کے 1423نفریوں کو پولیو کے خلاف سہ روزہ مہم کے لئے فراہم کرے گا۔ا نہوں نے اس بات پر تشویش کا اظہارکیا کہ ضلعے کے اکثر یونین کونسلوں میں پولیو مہم کے مقامی ذمہ داروں کے نام بھی گزشتہ مرتبہ پولیس کو فراہم نہیں کئے گئے تھے جس سے مشکلات پیش آئے۔اس موقع پر تمام یونین کونسلوں کے لئے مایکروپلان تیار نہ ہونے کی نشاندہی بھی کرائی گئی۔ ڈسٹرکٹ ہیلتھ افیسر ڈاکٹر اسرار اللہ، اور ڈسٹرکٹ کوارڈینیٹر ڈاکٹر ارشاد احمدنے 17اپریل سے شروع ہونے والی مہم کی تیاریوں کے بارے میں تفصیل بتائی جن کا جائزہ لیا گیا۔ ڈیپک اجلاس میں اکثر محکمہ جات کے افسران حاضر نہ تھے جن کے بجائے جونئر افسران اور کلرک کیڈر کے اسٹاف نے شرکت کی جس کا ڈی۔ سی نے کوئی نوٹس نہیں لیا۔ اجلاس میں ایڈیشنل اسسٹنٹ کمشنر رخسانہ جبین اور ڈبلیو ایچ او کی طرف سے پروگرام افسر بھی موجود تھے۔
تازہ ترین
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ