شیر اکبر خان ریجنل پولیس آفیسر ملاکنڈ ریجن آج اپنے سرکاری دورے پر لوئر چترال پہنچے۔

Print Friendly, PDF & Email

 

چترال ( نمائندہ چترال میل )شیر اکبر خان ریجنل پولیس آفیسر ملاکنڈ ریجن آج اپنے سرکاری دورے پر لوئر چترال پہنچے۔

ڈسٹرکٹ پولیس آفیسر لوئر چترال افتخار شاہ اور ڈی۔پی۔او اپر چترال عتیق شاہ اور دیگر پولیس افسران نے معزز مہمان کا استقبال کیا اور انہیں خوش آمدید کہا

ریجنیل پولیس آفیسر ملاکنڈ شیر اکبر خان لوئر چترال پہنچتے ہی لاوی ہائیدڑو پاور پراجیکٹ شیشی کوہ دروش کا دورہ کیا اور سکیورٹی انتظامات کا تفصیلی جائزہ لیا۔

اس موقع پر ڈسٹرکٹ پولیس آفیسر لوئر چترال افتخار شاہ، ڈی۔پی۔او اپرچترال عتیق شاہ پراجیکٹ اسٹاف, ڈی۔ایس۔پی سکیورٹی لاوی پراجیکٹ, ایس۔ڈی۔پی۔او سرکل دروش اور دیگر پولیس افسران بھی ان کے ہمراہ موجود تھے۔

سکیورٹی انتظامات اور دیگر امور کے حوالے سے آر۔پی۔او ملاکنڈ کو تفصیلی بریفنگ دی گئ۔

آر۔پی۔او ملاکنڈ نے سکیورٹی انسپکشن کے دوران پراجیکٹ میں کام کرنے والے غیر ملکی افراد سے بھی ملاقات کی۔

آر۔پی۔او ملاکنڈ نے کہا پراجیکٹ میں کام کرنے والے ملکی و غیر ملکی افراد کو تحفظ فراہم کرنا ہماری اولین ترجیح ہے جس میں کسی بھی قسم کی کوتاہی یا لاپرواہی برداشت نہیں کی جائے گی۔

آر۔پی۔او ملاکنڈ نے پراجیکٹ میں کام کرنے والے ملکی/غیر ملکی افراد کے رہائش گاہوں, پراجیکٹ سائٹس کی چار دیواری,خاردار تاروں، CCTV کیمروں اور دیگر سکیورٹی انتظامات کا تفصیلی معائنہ کیا۔

سیکورٹی پر مامور جوانوں سے ملیں ان کی خیریت دریافت کی اور سکیورٹی کے حوالے سے انھیں خصوصی ہدایات دیں۔