چترال (نما یندہ چترال میل)ڈسٹرکٹ پولیس آفیسر لوئر چترال افتخار شاہ کا اپنے آفس میں ڈسٹرکٹ پبلک پراسیکیوٹرز کے ساتھ میٹنگ کا انعقاد میٹنگ میں ڈسٹرکٹ پبلک پراسیکیوٹر ایاز زرین،ایس۔پی۔انوسٹی گیشن عتیق الرحمن،ڈی۔ایس۔پی۔ہیڈکوارٹر احمد عیسی، ڈی۔ایس۔پی۔انوسٹی گیشن عزیز الدین ایس۔ایچ۔او تھانہ سٹی چترال SI منیرالملک اور اسسٹنٹ پبلک پراسیکیوٹرز نے شرکت کی. ڈی۔پی۔او لوئر چترال نے ڈسٹرکٹ پبلک پراسیکیوٹرز کے ساتھ ملاقات کی جس میں تفتیش کے معیار کو بہتر بنانے کے حوالے سے تجاویز پر غور کیا گیا ڈی پی او نے کہا کہ پولیس اور پراسیکیوٹرز کے درمیان باہم رابطہ بہت اہم ہے۔ زیرِ تفتیش مقدمات کو بروقت یکسو کرنے اور تفتیشی امور میں پائی جانے والی خامیوں کو دور کرنے میں پراسیکیوشن برانچ کا کردار قابل تحسین ہے۔ انہوں نے پراسیکیوٹرز کی طرف سے تفتیش کے امور میں مزید بہتری کے لئے دی جانے والی تجاویز پر غور کرنے کی یقین دہانی کرائی۔ ڈی۔پی۔او نے مزید کہا کہ اس میٹنگ کے انعقاد کا مقصد پراسیکیویشن برانچ سے مکمل تعاون اور رہنمائی لینا ہے تاکہ پراسیکیوشن برانچ کی مدد اور رہنمائی سے روزانہ کی بنیاد پر مقدمات پر اعتراضات دور کرکے مقدمات کو جلد از جلد یکسو کیا جائے۔
