چترال (نمائندہ چترال میل) پاکستان مسلم لیگ (ن) ضلع لویر چترال کے صدر عبدالولی خان عابد ایڈوکیٹ نے چترال میں حالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ کیا ہے جس پر انہیں یقین دہانی بھی کرائی گئی ہے۔ پارٹی کی مرکزی قیادت کے نام محررہ مراسلے میں انہوں نے کہا ہے کہ اس وقت چترالی عوام کی نظرین پاکستان مسلم لیگ (ن) کی حکومت پر لگی ہوئی ہیں جن سے وہ توقعات وابستہ کئے ہوئے ہیں۔ انہوں نے فوری ریلیف کی مدمیں فی الوقت ایک ارب روپے کی منظوری اور اسے ایم این اے غزالہ انجم ا ور پارٹی کی لویر اور اپر چترال کی ضلعی قیادت کے مشورے سے تقسیم کرنے کا مطالبہ کیا ہے۔ انہوں نے وزیراعظم شہباز شریف کا فوری طور پر چترال کا دورہ کرنے کا مطالبہ بھی پیش کردیا ہے۔