چترال (نما یندہ چترال میل) محکمہ سوشل ویلفئر، اسپیشل ایجوکیشن اینڈ ویمن امپاورمنٹ لویر چترال نے معذور افراد کی عالمی دن کے مناسبت سے اسپیشل چلڈرن کی بحالی کا مرکز (ایم آر پی ایچ سی) میں تقریب کا اہتمام کیا جس میں ڈپٹی کمشنر چترال لویر انوار الحق مہمان خصوصی تھے۔ سنٹر میں زیر تعلیم خصوصی بچوں نے اس دن کی اہمیت پر روشنی ڈالی اور مختلف دلچسپ خاکے پیش کئے جنہیں حاضرین نے سراہا اور ادارے کی کارکردگی پر اطمینان کا اظہار کیا۔ ڈسٹرکٹ افیسر سوشل ویلفیئر لویر چترال نصرت جبین نے اسپیشل بچوں کی بحالی اور بہبود کے ساتھ انہیں معاشرے کا کار آمد حصہ بنانے کے سلسلے ڈیپارٹمنٹ کا کاوشوں پر روشنی ڈالی۔ انہوں نے تقریب میں شرکت پر مہمان خصوصی، سول سوسائٹی کے نمائندوں اور سنٹر میں زیر تعلیم بچوں کے والدین کا شکریہ ادا کیا۔ ڈی سی لویر چترال نے اپنے خطاب میں کہا کہ معاشرے کے ہر فرد پر لازم ہے کہ وہ اسپیشل چلڈرن کو وہ سپورٹ اور محبت فراہم کرے کہ ان میں احساس کمتری پیدا نہ ہونے پائے اور وہ نارمل انسان کی طرز پر زندگی گزارنے کے قابل ہوں۔ انہوں نے کہا کہ معذور افراد کا عالمی دن ہمیں یہ سبق یاد دلاتی ہے کہ یہ خصوصی افراد ہماری بھر پور ہمدردی کے مستحق ہیں اور ان کی ذہنی صلاحیتوں اور قابلیت کو ضائع ہونے بچائیں۔ ڈی سی نے ضلعی انتظامیہ کی طرف سے اسپیشل چلڈرن کے مسائل کے حل میں ہر ممکن مدد فراہم کرنے کے عزم کا اظہار کیا۔ انہوں نے تقریب کے دوران دو چھوٹے عمر کے خصوصی بچوں کو اسٹیج پر اپنے بیٹھائے رکھا اور کہا کہ اصل میں یہی بچے آج ہمارے مہمان خصوصی ہیں۔ انہوں نے ڈی او سوشل ویلفیئر اور ان کے محکمے کی کارکردگی پر بھی اظہار اطمینان کیا۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا