پشاور (نما یندہ چترال میل) چیف سیکرٹری خیبر پختونخوا ڈاکٹر شہزاد خان بنگش نے ہدایت کی ہے کہ متعلقہ حکام تاریخی شندور پولو فیسٹیول کے لئے بہترین انتظامات یقینی بنائیں۔ یہ ہدایت انہوں نے شندور پولو فیسٹیول کے لئے تیاریوں کے حوالے سے جمعرات کے روز سول سیکرٹریٹ میں منعقدہ جائزہ اجلاس کی صدارت کرتے ہوئے دی۔ اجلاس میں محکمہ داخلہ، سیاحت، اطلاعات، مواصلات و تعمیرات کے انتظامی سیکرٹریز اور ڈائریکٹر جنرل کلچر اینڈ ٹورزم اتھارٹی نے شرکت کی جبکہ کمشنر مالاکنڈ، ریجنل پولیس آفیسر، ڈپٹی کمشنرز و ڈسٹرکٹ پولیس آفیسرز اپر اور لوئر چترال ویڈیو لنک کے ذریعے اجلاس میں شریک ہوئے۔ اس موقع پرڈی جی کلچر اینڈ ٹورزم اتھارٹی نے اجلاس کو بتایا کہ عالمی وباء کورونا کی وجہ سے تاریخی شندور پولو فیسٹیول دو سال کے تعطل کے بعد امسال یکم جولائی سے 3 جولائی تک منعقد کیا جائے گا۔ 12 ہزار 600 فٹ کی بلندی پر واقع دنیا کے بلند ترین پولو گراونڈ کے آس پاس خیمہ بستی قائم کی جا رہی ہے۔ جس میں سرکاری حکام، مقامی و غیرملکی سیاحوں کے لئے قیام و طعام، پانی اور واش رومز کا بندوبست کیا جائے گا۔ انہوں نے مزید بتایا کہ 1936ء سے باقاعدگی کے ساتھ ہر سال یہ فیسٹیول منعقد کیا جاتا رہا ہے۔چیف سیکرٹری نے ہدایت کی کہ کمشنر مالاکنڈ، ڈپٹی کمشنرز اپر اور لوئر چترال دیگر سٹیک ہولڈرز کے ساتھ مل کر تیاریاں مکمل کرکے فیسٹیول کے لئے بہترین انتظامات یقینی بنائیں۔ انہوں نے مزید ہدایت کی کہ ملکی و غیرملکی سیاحوں کی سہولت کیلئے انفارمیشن ڈیسک بھی قائم کئے جائیں تاکہ انکو معلومات حاصل کرنے میں آسانی ہو۔ ڈاکٹر شہزاد خان بنگش نے کہا کہ یکم جولائی سے شروع ہونے والے تین روزہ شندور پولو فیسٹیول کی سیکیورٹی کے لئے بھی خصوصی اقدامات اٹھانے سمیت خواتین پولیس اہلکاروں کو بھی تعینات کیا جائے۔ ڈاکٹر شہزاد خان بنگش نے کہا کہ سیاحوں کے لئے پولو میچ دیکھنے کے ساتھ ساتھ دیگر تفریحی و ثقافتی سرگرمیوں کا بھی انتظام کیاجائے۔
تازہ ترین
- ہوماپر چترال کے علاقہ میراگرام نمبر 1 میں ایک شادی شدہ خاتون نے اپنے کمرے میں گلے میں دوپٹہ ڈال کرخودکشئ کر لی
- مضامینداد بیداد۔۔فلسفی اور قانون دان۔۔ڈاکٹر عنا یت اللہ فیضی
- مضامیندھڑکنوں کی زبان۔۔۔۔محمد جاوید حیات۔۔۔۔خاک میں کیا صورتیں۔۔۔
- ہومچترال کے معروف سماجی شخصیت عظمت عیسی سابق پبلک پراسیکیوٹر انتقال کر گئے
- ہوماپر چترال کے ضلعی ہیڈ کوارٹرزبونی میں مستوج اور موڑکھو تورکھو کے تحصیل چیرمینوں اور ضلع بھر کے 39ویلج کونسلو ں کے چیرمینوں اورمخصوص نشستوں پر منتخب ہونے والے خواتین اور کسان کونسلروں نے اپنے مطالبات کی منظوری کے لئے صوبائی حکومت کو آخری الٹی میٹم دی ہے
- ہومبیورو کریسی میں بڑے پیمانے پر تبادلے، ڈپٹی کمشنر اپر اور لوئر چترال تبدیل، عبد الاکرم ڈپٹی کمشنر کوہاٹ تعینات
- ہومصوبے کے سرکاری ملازمین کی تنخواہوں میں وفاق کی طرز پر اضافہ کرنے جا رہے ہیں۔وزیراعلی خیبرپختونخوا علی امین گنڈاپور
- ہوممہتر چترال اور لویر چترال سے صوبائی اسمبلی کے رکن فاتح الملک علی ناصرکو صوبائی حکومت نے لویر چترال کی ڈسٹرکٹ ڈیویلپمنٹ ایڈوائزری کمیٹی (ڈیڈاک) کا چیرمین مقرر کردیا
- ہومہیومن کیپیٹل انویسٹمنٹ پراجیکٹ کے تحت منتحب اضلاع میں تعلیمی نظام کی بہتری کے لیے انقلابی اقدامات جاری ہیں۔صوبائی وزیر تعلیم فیصل خان ترکئی
- ہومایم این اے عبد اللطیف کی چیرمین این ایچ اے سے ملاقات، ریشن کے مقام پر چترال شندور روڈ کو بچانے کےلئے ہنگامی بنیادوں پر اقدامات اٹھانے کی یقین دہانی