چترال (نما یندہ چترال میل) پی ٹی آئی کے سینئر لیڈر اور سابق تحصیل ناظم سرتاج احمد خان نے چترال کے عوام پر زور دیا ہے کہ وہ حقیقت پسندی کا مظاہرہ کرتے ہوئے حکمران پارٹی کے نامزد امیدوار وں کو ہی آنے والے بلدیاتی انتخابات میں ووٹ دے کر کامیاب بنائیں تاکہ ترقی کا تسلسل برقرار رہ سکے ورنہ اپوزیشن سے تعلق رکھنے والے بلدیاتی نمائندے کچھ بھی ڈلیور کرنے کی پوزیشن میں نہیں ہوں گے اور چترال کے عوام اس غلطی کا خمیازہ پہلے ہی بھگت چکے ہیں جب ضلع ناظم اور تحصیل ناظمین کا تعلق حکومت مخالف جماعتوں سے تھا۔ ہفتے کے روز چترال پریس کلب میں چترال ٹاؤن کے امیدواروں رضی الدین (بکرآباد)، سلطان محمد خان (دنین ون)، شاہد (خورکشاندہ)، سجاد احمد (دنین ٹو)، حاجی شفیق (گولدور)، امین (سنگور) اسد (چمرکن) اور پارٹی کے سینئر رہنماؤں الطاف گوہر ایڈوکیٹ، ضلعی چیرمین زکواۃمحمد قاسم، حیات الرحمن اور دوسروں کی معیت میں ایک پریس کانفرنس سے خطاب کرتے ہوئے کہاکہ پی ٹی آئی نے بلدیاتی انتخابات میں چن چن کربہترین نوجوان قیادت سامنے لائی ہے جوکہ عوامی مسائل کا بہتر انداز میں ادراک رکھنے کے ساتھ ساتھ خدمت کے جذبے سے بھی سرشار ہوتے ہیں اور انہیں سوسائٹی میں اچھے نظروں سے دیکھے جاتے ہیں اور جن پر اعتماد ذیا دہ سے ذیاد ہ ہے۔ انہوں نے کہاکہ پی ٹی آئی حکومت نے الیکشن سے پہلے ہی اپر اور لویر چترال کے اضلاع کو تیس تیس کروڑ روپے کی خطیر ترقیاتی گرانٹ دے دی ہے اور الیکشن کے اچھے نتائج آنے کے بعد علاقے میں ترقیاتی کاموں کی رفتار میں مزید تیزی آئے گی اور اپوزیشن جماعتوں کو بھی چاہئے کہ وہ علاقے کی بہترین مفاد کو سامنے رکھتے ہوئے صرف اور صرف حکمران جماعت پی ٹی آئی کے حق میں اپنے ووٹ استعمال کریں اور اس حقیقت کو تسلیم کرلیں کہ اپوزیشن یا آزاد امیدواروں کو ووٹ دینا سنگین غلطی اور زہر کا گھونٹ پینے کے متراد ف ہے اور ایم این اے مولانا عبدالاکبر چترالی اور مولانا ہدایت الرحمن موجودہ دور میں چترالی عوام کی عبرت کے لئے کافی ہیں جوکہ اپوزیشن سے تعلق کی بنا پر مکمل طور پر ناکام ثابت ہوچکے ہیں۔ انہوں نے وزیر اعلیٰ خیبر پختونخوا کی طرف سے چترال کے عوام کو یقین دہانی کراتے ہوئے کہاکہ پی ٹی آئی کے امیدواروں کا ویلج کونسل سے لے کر تحصیل کونسل اور چیرمین شپ تک کامیابی پر علاقے میں تعمیر وترقی کا نیا دور شروع ہوگا۔
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے