چترال (نما یندہ چترال میل) 19 مارچ کو دوپہر 1.30 بجے چترال پریس کلب کے مہراکہ پروگرام میں دروش کے تحصیل چیرمین شپ کے امیدوار مہمان ہوں گے۔ جمہوری عمل سے دلچسپی رکھنے والے حضرات کو دعوت دی جاتی ہے۔ پہلے مرحلے میں ہر امیدوار 15سے 20منٹ کے اندر اپنی انتخابی منشور اور دوسرے ترجیحات پیش کریں گے۔
دوسرے مرحلے میں امیدواروں سے ان کی پیش کردہ منشور اور گفتگو سے متعلق سوالات پوچھے جائیں گے۔ سوالات براہ راست امیدوار سے پوچھنے کی اجازت نہیں ہے۔ اس نشست میں تین صحافیوں کا ایک پینل بیٹھایا جائے گا جن کے پاس سوالات جمع کرائے جائیں گے اور وہ یہ سوال ایک ایک کرکے متعلقہ امیدوار کو پیش کریں گے۔ ہال میں تشریف رکھنے والے کسی مہمان کو امیدواروں سے ڈائرکٹ سوال کرنے کی اجازت بالکل نہیں ہے۔یہ پروگرام فیس بک کے پیج Chitral Press Club Chitral پر لائیو (live) نشر کیا جائے گا۔ ایسے ناظرین بھی اپنے سوالات ریکارڈ کرواسکتے ہیں۔