چترال ( نما یندہ چترال میل) ضلع چترال لویر کے مختلف سرکاری محکمہ جات سے تعلق رکھنے والے ملازمین کا اجلاس مقامی ہوٹل میں منعقد ہوا جس میں ایک متفقہ قرار داد کے ذریعے بعض سرکاری ملازمین کی طرف سے علاقائی منافرت پھیلانے کی کوشش اور علاقے کی بنیاد پر سرکاری ملازمین کی تنظیم بنانے اور سیاسی عمائیدین کو اصل صورت حال سے بے خبر رکھ کر ان کو بعض ملازمین کے خلاف بیان دلوانے کی کوشش کرنے کی شدید مذمت کی گئی۔ اجلاس میں سرکاری ملازمین کے علاوہ سماجی وسیاسی شخصیات، دانشور طبقہ، وکلاء بھی موجود تھے جنہوں نے چترال میں علاقے کی بنیاد پر تفرقہ بازی کو یکسر مسترد کرتے ہوئے کہاکہ بعض افراد سرکاری ملازم ہونے کے باوجود اپنی ذاتی مفادات کے حصول کے لئے مثالی امن وامان کے لئے مشہور اس ضلعے میں نفرت اور فساد کا بیج بورہے ہیں جوکہ آئندہ کے لئے خطرے کی گھنٹی ہے۔ ان کا کہنا تھاکہ تاریخی طور پر چترال میں تین اقوام آباد ہیں جن میں کھو، کالاش اور گوجر شامل ہیں اور تقسیم کی بات کرنے والے کھل کر بتادیں کہ ان کا تعلق ان تینوں میں سے کس قبیلے سے ہے جبکہ یہ بات ایک حقیقت ہے کہ اپر اور لویر چترال میں 90سے ذیادہ کا تعلق کھو قبیلے سے ہے لیکن اس کے باوجود منافرت پھیلانا سمجھ سے بالا تر ہے جس کا کوئی خفیہ مقصد ہی ہوسکتا ہے۔ انہوں نے کہاکہ چند ملازمین کا علاقے کی بنیاد پر تنظیم بناکر اپنی مرضی کو دوسروں پر مسلط کرنے کا کوئی اختیار نہیں ہے اور دوسروں کے خلاف ناشائستہ اور نازیبا زبان کا استعمال کرنے سے دوسروں کے احساس وجذبات کوسخت ٹھیس پہنچی ہے جس کے لئے وہ معافی مانگ لیں۔ مقررین نے تعصب کی بنیاد پر قائم شدہ اس تنظیم کو مسترد کرتے ہوئے اس گھناونے کام میں پیش پیش سرکاری ملازمین کو ان کی سیاسی اثرورسوخ کو پس پشت ڈالتے ہوئے ان کے خلاف کاروائی اور تنظیم پر پابندی کا مطالبہ کیا۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ