چترال (نمائندہ چترال میل) اپر چترال کا پہلا گاؤں ریشن میں دریا ئے کی کٹائی کیوجہ سے چترال مستوج اورگلگت روڈ مکمل طور پر دریا بردہوچکی ہے۔ دریا کی کٹائی کیوجہ سے زرعی زمینات اور تیارفصلیں کو بھی دریا میں بہہ گئے اور ساتھ چھ گھربھی زمین بوس ہوگئے ہیں جن کے مکین جان بچاکر دوسرے مقام پر منتقل ہونے میں کامیاب ہوگئے۔ عینی شاہدین کے مطابق کٹائی کا سلسلہ زور وشور سے جاری ہے جس سے مذید نقصانات کا اندیشہ ہے۔ واحد سڑک دریا برد ہونے کیوجہ سے سینکڑوں مسافر بھی دونوں اطراف پھنس گئے ہیں جن میں سیاح اور بیمار افراد بھی شامل ہیں۔ متاثرہ افرادکا کہنا ہے کہ وہ گزشتہ دو سالوں سے مذکورہ مقام پر حفاظتی بند تعمیر کرنے کا مطالبہ کررہے ہیں مگر حکومت نے اس پر کوئی توجہ نہیں دی جس کے نتیجے میں آج عام پبلک کیسا تھ حکومتی خزانے کو بھی کروڑوں روپے کا نقصان پہنچا ہے۔اہالیان ریشن کا کہنا ہے کہ گزشتہ سال ستمبر میں وزیر اعلیٰ نے ریشن کا خود دورہ کیا تھا اور اس مسئلے سے ان کو آگاہ کیا گیا تھا لیکن آٹھ ماہ تک کوئی کام شروع نہ ہوسکا جبکہ اس وقت دریا میں طغیانی کی وجہ سے اگلے ماہ نومبر تک حفاظتی پشتہ کی تعمیر اور دریا کی بہاؤکا رخ موڑنے کاکام نہیں ہوسکے گا۔ انہوں نے نیشنل ہائی وے اتھارٹی کے حکام کو بھی تنقید کا نشانہ بناتے ہوئے کہاکہ انہوں نے سڑک کو بچانے کے لئے کوئی قدم نہیں لیا جسے انہوں نے اس سال جنوری میں take overکیاتھا۔ درین اثناء ڈسٹرکٹ بار ایسوسی ایشن چترال کے زیر اہتمام احتجاجی جلسہ چترال شہر میں پی آئی اے چوک میں منعقد ہوا جس میں صدر نیاز اے نیازی ایڈوکیٹ، عبدالولی خان ایڈوکیٹ اور دوسروں نے حکومت کی مذمت کرتے ہوئے کہاکہ بروقت بار بار مطالبے کے باوجود حکومت نے زمین کی کٹاؤ کے لئے کوئی قدم نہیں اٹھائی جوکہ پی ٹی آئی حکومت کی نااہلی کا منہ بولتا ثبوت ہے۔ انہوں نے ڈی سی اپر چترال شاہ سعود اور ڈی سی لویر چترال حسن عابدکے خلاف نعرہ بازی کی۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا