چترال(نمائندہ چترال میل) چترال پریس کلب کے نومنتخب کابینہ کے ارکان کی حلف وفاداری کی تقریب سول سیکرٹریٹ پشاورمیں منعقد ہوئی جس میں وزیر اعلیٰ خیبر پختونخوا کے معاون خصوصی برائے اطلاعات کامران بنگش نے حلف لیا جبکہ وزیر اعلیٰ کے معاون خصوصی برائے اوقاف اور اقلیتی امور وزیر زادہ بھی اس موقع پر موجود تھے۔ حلف اٹھانے والوں میں صدر ظہیر الدین، سینئر نائب صدر سیف الرحمن عزیز، نائب صد میاں آصف علی شاہ کا کاخیل، جنرل سیکرٹری عبدالغفار، فنانس سیکرٹری نور افضل خان اور آفس سیکرٹری سید نذیر حسین شاہ شامل تھے۔ اس موقع پر اپنے خطاب کرتے ہوئے کامران بنگش نے کہا صحافیوں کے جملہ مسائل حل کرناپی ٹی آئی حکومت کی ترجیحات میں شامل ہیں اوراسے پوری دلجمعی اور خلوص نیت سے عملی جامہ پہنایاجارہا ہے تاکہ وہ اپنے فرائض احسن طریقے سے انجام دینے کے قابل ہوسکیں۔ انہوں نے چترال سے تعلق رکھنے والے صحافیوں کی یقین دہانی کی کہ ان کے مطالبات پر ہمدردانہ غور کیا جائے گاجن میں میڈیا کالونی کا قیام سر فہرست ہے۔ معاون خصوصی وزیر زادہ نے کہاکہ قیام رپاکستان کے بعد پہلی مرتبہ ٹھوس بنیادوں پر سنجیدگی سے چترال کی پسماندگی دور کرنے کی طرف توجہ دی جارہی ہے اور ترقیا تی کاموں کا جال ہر سو بچھایا جارہا ہے۔ انہوں نے چترال میں میڈیا کے مثبت کردار کی تعریف کرتے ہوئے کہاکہ چترال کی تعمیر وترقی اور معاشرتی ہم آہنگی میں اس کا کردار مسلمہ اور قابل تعریف ہے۔ پریس کلب کے صدر ظہیرالدین نے چترال میں صحافیوں کو درپیش مسائل پر روشنی ڈالی۔ اورصدر پریس کلب نے چترال کا روایتی تحفہ چترالی ٹوپی معاون خصوصی کامران بنگش اور وزیر زادہ کوپیش کیا۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے