(چترا میل رپور ٹ)وزیراعلی کے معاون خصوصی برائے اقلیتی امور وزیر زادہ نے کہا ہے کہ صوبے کے تمام کالجوں میں اقلیتی کمیونٹی کے طلباء کے لئے 2 فیصد کوٹہ جبکہ سرکاری محکموں میں بھرتیوں کے لئے 5 فیصد کوٹہ مختص کیا گیا ہے۔ان خیالات کا اظہار انہوں نے بدھ کے روز نیشنل لابنگ ڈیلیگیشن برائے اقلیتی حقوق کے ایک وفد سے اپنے دفتر میں ملاقات کے دوران کیا ہے۔ وفد میں پشاور سے سوشل اکٹیوسٹ برائے اقلیتی حقوق ھارون سرابدیال، لاہور سے خالد شہزاد اور آصف عقیل، اسلام آباد سے رومانہ بشیر ودیگر شامل تھے۔ اس موقع پر معاون خصوصی نے وفد کو بتایا کہ تعلیمی اداروں میں اقلیتی طلباء کے لئے صوبائی حکومت نے اسمبلی سے باقاعدہ قرارداد منظور کرائی ہے جس پر من و عن عمل درآمد بھی جاری ہے۔ قرارداد کی روشنی میں اقلیتی طلباء کو صوبے کے تمام کالجوں میں دو فیصد کوٹہ کے تحت داخلے دئیے جا رہے ہیں۔ انہوں نے کہا کہ بہت جلد صوبے کی تمام یونیورسٹیوں اور دیگر اعلیٰ تعلیمی اداروں میں بھی اقلیتوں کے لیے کوٹہ مختص کیا جائے گا۔ وزیر زادہ نے کہا ہے کہ وزیر اعلیٰ خیبرپختونخوا محمود خان کی سربراہی میں صوبے میں اقلیتوں کے حقوق کو یقینی بنانے کے لیے پہلے سے ہی مربوط حکمت عملی وضع کی گئی ہے۔ معاون خصوصی کا کہنا تھا کہ اقلیتی کمیونٹی کے لئے ہاؤسنگ سکیموں پر بھی جلد کام کا آغاز کیا جائے گا، جس کے تحت تمام قبائلی اضلاع کے ہیڈکوارٹرز جبکہ چار بندوبستی اضلاع میں اقلیتوں کے لئے ہاؤسنگ سکیمز شروع کی جائینگی۔ وزیر زادہ نے وفد کو بتایا کہ صوبے میں اقلیتوں کو باعزت روزگار شروع کرنے اور میرج گرانٹ کے لئے بھی صوبائی حکومت نے فنڈز مختص کئے ہیں جبکہ اقلیتی مذہبی سکالرز کی حوصلہ افزائی کے لئے ان کو 30 ہزار سالانہ وظیفہ بھی دیا جا رہا ہے۔ وزیر زادہ کا کہنا تھا کہ دوسرے صوبوں کی نسبت خیبرپختونخوا اقلیتوں کی ترقی میں سب سے آگے ہے۔ انہوں نے کہا کہ صوبائی حکومت کے اقلیتی ایم پی ایز کے علاؤہ دیگر ممبران صوبائی اسمبلی بھی اقلیتوں کے حقوق کے لیے اقدامات کر رہے ہیں۔ انہوں نے کہا کہ وزیراعلی محمود خان کی قیادت میں ہم اقلیتی برادری کی خوشحالی اور ترقی ہر صورت ممکن بنائیں گے۔وفد نے اقلیتی برادری کی ترقی کے لئے اٹھائے گئے اقدامات پر صوبائی حکومت کی تائید کی اور شکریہ بھی ادا کیا۔
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے