چترال(نما یندہ چترال میل)جمعرات کی رات چترال ٹاون میں جغور گولدورکے مقام پر ریٹائر اُستاد غلام رسول کے گھر میں پریشر کوکر کے پھٹنے کے بعد سلنڈربلاسٹ ہوا جس کے نتیجے میں گھر میں موجود چھ افراد جھلس گئے جنہیں فوری طورپر ڈسٹرکٹ ہسپتال چترال پہنچانے کے بعد پشاور ریفر کیا گیا۔پشاور لے جاتے ہوئے بشارات ولد رحمت الہی ساکن کیسو زخمیوں کی تاب نہ لاتے ہوئے راستے میں دم توڑ گئے جبکہ چترال یونیورسٹی کے پروفیسر محسن الملک صدیقی کی والدہ اور بہن جمعہ کے روز شیرپاؤ ہسپتال پشاور میں وفات پاگئی۔ تین افراد پشاور کے شیرپاؤہسپتال میں زیر علاج ہے جن کی حالت خطرے سے باہر بتائی جارہی ہے۔جان بحق افراد کی نما ز جنازہ اج ہفتے کے روز جغور گولدور میں ادا کی جائے گی۔