چترال (محکم الدین) ایون کیمقام درخناندہ میں بجلی کے شارٹ سرکٹ کی وجہ سے گھر میں آگ لگی۔ جس نے دیکھتے ہی دیکھتے دو گھروں کو اپنی لپیٹ میں لے لیا۔ اور تمام سامان سمیت بارہ کمروں پر مشتمل گھر راکھ کا ڈھیر بن گئے۔ متاثرہ گھروں کے مالکان دونوں بھائی مدثر شاہ چترال سکاوٹس اور انتخاب عالم کا تعلق چترال پولیس سے ہے۔ دونوں بھائیوں کے مکانات کچھ عرصہ پہلے تعمیر ہوئے تھے۔ وقوعہ کے موقع پر گھر کے تمام افراد اپنے ایک رشتہ دار کی شادی پر گئے ہوئے تھے۔ کہ شام سوا سات بجے کے قریب بجلی کے شارٹ سرکٹ سے آگ لگی۔ اور دو گھر مکمل طور پر خاکستر ہو گئے۔ آگ اتنی شدید تھی کہ باوجود مقامی لوگوں کی کو ششوں کے کوئی بھی سامان نہیں بچایا جا سکا۔ فائر بریگیڈ کو اطلاع کر دی گئی تھی۔ تاہم چترال سے ایون کی طویل مسافت، خراب سڑک اور گاوں کی تنگ سڑکوں کے باعث بروقت موقع پر نہ پہنچ سکا۔ عوامی حلقوں نے مطالبہ کیا ہے۔ کہ متاثرہ خاندان کے ساتھ فوری مدد کی جائے۔ اور ایون جیسے بڑے علاقے میں اس قسم کے حادثات پر بروقت قابو پانے کیلئے فائر بریگیڈ کے ٹینکر مستقل بنیادوں پر فراہم کیا جائے۔
