چترال (محکم الدین) فیڈریشن آف چیمبرز پاکستان کے نو منتخب صدر نثار انجم کو چترال چیمبر آف کامرس اینڈانڈسٹری کے وفد نے مبارکباد دی ہے۔ گذشتہ روز چترال چیمبر کے صدر سرتاج احمد خان کی قیادت میں سنئیر ممبران حاجی عبدالغفار خان اور محمد وزیر خان پر مشتمل وفد نے نومنتخب صدر نثار انجم سے ان کے آفس میں ملاقات کی۔ پھولوں کا گلدستہ و چترال کے روایتی تحفے پیش کئے۔ اور چترال کی تاجر برادری، کمیونٹی و چترال چیمبر آف کامرس کی طرف سے نیک خواہشات کا اظہار کیا۔ وفد نے بزنس مین پینل (بی ایم پی)کے پلیٹ فارم سے الیکشن میں کامیاب ہونے پر انہیں مبارکباد دی۔ نومنتخب صدر فیڈریشن آف چیمبر ز پاکستان انجم نثار نے چترال چیمبر آف کامرس، بزنس کمیونی اور عوام چترال کی طرف سے نیک خواہشات پر ان کا شکریہ ادا کیا۔ اور چترال کی بزنس کمیونٹی کے مفاد میں ہر ممکن تعاون اور مدد فراہم کرنے کے عزم کا اظہار کیا۔ واضح رہے کہ فیڈریشن کے نومنتخب صدر نثار انجم گذشتہ سال حاجی محمد خان کی منرل واٹر فیکٹری کے افتتاح کے موقع پر معروف بزنس مین حاجی غلام علی کے ساتھ چترال کا دورہ کیا تھا۔ اور چترال میں بزنس کیمختلف شعبوں کو ترقی دینیکی ضرورت پر زور دیا تھا۔
