چترال(نمائندہ چترال میل)نبیرہوڈکونسل چترال کے سابق کسان کونسلررستم نیازنے ممبرقومی اسمبلی چترال مولاناعبدالاکبرچترالی،ایم پی اے مولاناہدایت الرحمن اوراقلیتی ممبرصوبائی اسمبلی وچیئرمین ڈیڈک وزیرزدہ سے اپیل کی ہے کہ زرگراندہ ابھی تک بے شمارمسائل کاشکارہے جن میں پختہ سڑک نہ ہونے کی وجہ سے آئے روزکوئی نہ کوئی حادثہ رونماہوتاہے۔انہوں نے کہاکہ اس گاوں میں سرکاری دفترات،خصوصی بچوں کادفترمدرسہ للینات واقع ہیں جبکہ سینکڑوں بچے اوربچیاں اس روڈسے اسکول جاتی ہیں۔سڑک کچی ہونے کی وجہ سے پیدل چلنے والوں کوبے حدمشکلات درپیش ہیں اس لئے عوامی نمائندوں سے اپیل ہے کہ زرگراندہ کی تمام اندورنی سڑکوں کوپختہ کرآنے کے لئے فنڈمختص کیاجائے تاکہ عوام مشکلات میں آسانی آسکیں۔