چترال (نمائندہ چترال میل) چترال کے معروف ماہرتعلیم اور کھوار(چترالی) زبان کے بلند پایہ شاعر، ادیب اور نقاد مولانگاہ نگاہ طویل علالت کے بعد ہفتے کی صبح انتقال کرگئے۔ ان کی عمر 73 برس تھی۔ ان کے وفات کی خبر سے ادبی حلقو ں میں صف ماتم بچھ گئی جس نے زندگی بھر کھوار زبان وادب کی خدمت کو اپنا شعار بنالیا تھا۔ محکمہ تعلیم سے ہیڈ ماسٹر ریٹائر ہونے کے بعد انہوں نے نظم اور نثر میں کئی کتابیں لکھی اور انجمن ترقی کھوار کو منظم کرنے میں اہم کردار ادا کیا۔ وہ تریچ زوندرانگم میں پیدا ہوئے اور حصول تعلیم کے بعد محکمہ تعلیم میں ملازمت اختیار کی۔ ان کا نماز جنازہ پولوگراونڈ میں اد ا کرنے کے بعد چترال ٹاؤن کے گاؤں سنگور میں گنکورینی کے مقام پر ان کی رہائش گاہ کے نزدیک سپرد خاک کیا گیا۔ وہ چترال یونیورسٹی کے شعبہ انگریزی کے پروفیسر ظہورالحق دانش اور محکمہ تعلیم کے استاذ محبوب الحق حقی، مولانا سمیع الحق ۔احسان الحق اور مسرور الحق کے والد اور استاد خدا نگا ہ کے بھا ئی تھے۔
