چترال (نمائندہ چترال میل) چترال سکاؤٹس کے 26ویں پیج کی پاسنگ آوٹ پریڈ ہفتے کے روز دروش چھاونی میں منعقد ہوئی۔ جس میں زیر تربیت107ریکروٹ نے کامیابی سے باقاعدہ طور پر چترال سکاؤٹس میں شامل ہوگئے۔ اس تقریب کے مہمان خصوصی انسپکٹر جنرل فرنٹئیر کور نارتھ میجر جنرل راحت نسیم احمد خان نے ریکروٹوں سے حلف لیا اور پریڈ کا معائنہ کیا۔ تقریب میں ضلعی انتطامیہ کے افسران اور زندگی کے مختلف شعبوں جات سے تعلق رکھنے والے عمائدین، ریکروٹس کے والدین اور مختلف سکولوں کے بچوں کو بھی مدعو کیا گیا تھا۔اس کے علاوہ ثقافتی پروگرام کا بھی انعقاد کیا گیا۔ آخر میں مہمان خصوصی عوام و خواص میں گھل مل گئے اور تقریب کا اختتام نہایت جوش و خروش سے ہوا۔ اس موقع پر چترال ٹاسک فورس کے کمانڈنٹ کرنل معین الدین ان کے گونا گوں مصروفیات سے وقت نکال کر پریڈ میں بطور مہمان خصوصی حاضر ہونے پر ان کا شکریہ ادا کیا۔
