خیبر پختونخوا ٹورازم کارپوریشن کے زیر اہتمام پہاڑوں کے عالمی دن کے موقع پر فرانس اور بیلجیئم کے سیاحوں نے تخت بھائی کے کھنڈرات کا دورہ کیا۔انہوں نے بدھ مت کے بنائے ہوئے آثار قدیمہ میں گہری دلچسپی لی۔اس موقع پر میڈیا سے گفتگوکرتے ہوئے فرانس کی ٹورسٹ بابرا ڈیلیری نے کہاکہ پاکستان ایک پرامن ملک ہے اور یہاں لوگوں نے انکی جو خاطر تواضع کی ہے انہیں ہمیشہ یاد رکھا جائے گا۔انہوں نے کہاکہ ان کے ساتھ دورے پر فرانس کی چار خواتین اور پانچ مرد جبکہ یلجیئم کی ایک خاتون خیبر پختونخوا کے تاریخی مقامات کی سیر کے لئے آئے ہیں۔انہوں نے کہا کہ تخت بھائی کے بعد وہ بہت جلد سوات اور چترال کا بھی دورہ کریں گے اور وہاں کیلاش کی ثقافت کو سٹڈی کریں گے۔انہوں نے ٹورازم کارپویشن خیبرپختونخوا کا شکریہ ادا کرتے ہوئے کہاکہ پاکستانی لوگ محبت کرنے والے ہیں اور جب بھی انہوں نے پاکستان کا دورہ کیا ہے تو ان کی خوب مہمان نوازی کی گئی ہے۔انہوں نے دوسرے ممالک کے سیاحوں کے نام اپنے پیغام میں کہا کہ پاکستان میں ٹورازم کے بہت سے سائٹس موجود ہیں اور انہیں بلا جھجک پاکستان کے خوبصورت علاقوں کی سیر کرنی چاہیئے۔ جن میں وادی سوات، کالام اور چترال کے خوبصورت علاقے شامل ہیں، اس موقع پر ٹورازم کارپوریشن خیبر پختونخوا کے جنرل منیجر محمد علی اور آرکیالوجیکل کنزرویٹر عامر عمر نے بیرونی ممالک کے سیاحوں کو تخت بھائی کھنڈرات کے حوالے سے تفصیلی بریفنگ دی۔بریفنگ کے دوران جنرل منیجر محمد علی نے کہاکہ خیبر پختونخوا حکومت صوبے میں سیاحت کے فروغ کے لئے عملی اقدامات کررہی ہے۔انہوں نے کہا کہ صوبائی حکومت نے ہر سال چار نئے سیاحتی مراکز کو دریافت کرنے کا جو منصوبہ بنایا ہے اسے عملی جامہ پہنایا جا رہا ہے۔انہوں نے کہاکہ بیرونی ممالک کے سیاحوں کو حکومت خاص طور پر ہر قسم کی سہولیات فراہم کررہی ہے۔انہوں نے فرانس اور بیلجیم کے سیاحوں کو خیبر پختونخوا کے تاریخی مقامات کے حوالے سے کتابیں بھی پیش کئے اور ان کی ضیافت تخت بھائی کے مشہور چپلی کباب سے کی گئی۔دریں اثناء پہاڑوں کی اہمیت کو اجا گر کرنے کے لئے اسلام آباد اور لاہور کے موٹر سائیکلسٹ کلب46 نے بھی تخت بھائی کے کھنڈرات کا دورہ کیا۔اس موقع پر میڈیا سے گفتگو کرتے ہوئے کلب46کے لیڈرمانی افتخار نے کہاکہ پہاڑوں کے عالمی دن کو منانے کا مقصد پہاڑوں کی اہمیت کو اجاگر کرنا ہے۔انہوں نے کہاکہ پہاڑوں کی خوبصورتی کو برقرار رکھنے کے لئے ہمیں وہاں صفائی کا خصوصی خیال رکھنا چاہیئے۔انہوں نے کہاکہ سیاحت کو فروغ دینے سے ملکی معیشت بھی بہتر ہوگی۔انہوں نے لوگوں سے اپیل کی کہ جب بھی وہ پہاڑوں کا دورہ کرے تو اپنے ساتھ جو اشیاء لے جائیں تو ان کے ریپیر اور دیگر غیر ضروری اشیاء وہاں پر پھینکنے کی بجائے اسے اپنے ساتھ لے جائیں تاکہ پہاڑوں کی خوبصورتی متاثر نہ ہو۔ کلب 46 کے موٹر سائیکلسٹ نے تخت بھائی کھنڈرات کے مختلف حصوں کا معائنہ بھی کیا اور تخت بھائی کا دورہ مکمل کرنے کے بعد وہ سوات ریجن کے تین روزہ دورے پر روانہ ہوئے۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما