(چترال میل رپورٹ)جسٹس قلندر علی خان پشاور ہائی کورٹ نے ڈسٹرکٹ جیل، چترال کا دورہ اور اطیمنان کا اظہار کیا۔ اسد حمید خان ڈسٹرکٹ اینڈ سیشن جج چترال اور ناصر خان سینئر سول جج چترال بھی ہمراہ تھے۔ ریاض احمد سپر نٹنڈنٹ جیل نے جناب جسٹس قلندر علی خان کا جیل پہنچنے پر استقبال کیا۔ اپنی بریفینگ میں سپر نٹنڈنٹ ڈسٹرکٹ جیل نے بتایا کہ ڈسٹرکٹ جیل چترال میں 164 قیدیوں کے رکھنے کی گنجائش موجود ہے جبکہ فی ا لوقت 54 ملزمان مختلف مقدمات میں جوڈٖیشل حوالات میں ہیں۔ جناب جسٹس قلندر علی خان نے جیل کا تفصیلی دورہ کیا۔ اس دوران انہوں نے قیدیوں سے فرد اًفرداً ملاقات کی اور ان کے مسا ئل دریافت کئے۔ قیدیوں کی طرف سے پیش کیے گئے گزارشات پر بر موقع احکامات جاری کرتے ہوئے جناب جسٹس پشاور ہائی کورٹ پشاور نے متعلقہ حکام کو قیدیوں کو درپیش مسا ئل بروقت حل کرنے کی ہدایات کیں۔ اس موقع پر جیل ہسپتال کا بھی تفصیلی دورہ کیا گیا۔ ہسپتال میں موجود میڈیسنز اور موجود دیگر سہولیات کا معائنہ کیا گیا جس پر انہوں نے اطمینان کا اظہار کیا۔ سپر نٹنڈنٹ ڈسٹرکٹ جیل چترال نے بتایا کہ سال 2017 ء سے میڈیکل آفیسر کی آسامی خالی ہے۔ جس پر جسٹس قلندر علی خان صاحب نے عدم اطمینان کا اظہار کرتے ہوئے ہدایت کی کہ سیکرٹری ہیلتھ خیبر پختو نخواہ فی الفور ڈسٹرکٹ جیل چترال میں میڈیکل آفیسر کی تعیناتی کو یقینی بنائیں۔ امن و امان کی مخدوش صورتحال کو سامنے رکھتے ہوئے جسٹس قلندر علی خان صا حب نے ڈی پی او چترال کو ہدایت کی کہ ڈسٹرکٹ جیل سے محرم ا لحرام کے لیے لیئے گئے ریگولر پولیس فی ا لفور واپس ڈسٹرکٹ جیل میں تعینات کی جا ئے۔ جناب جسٹس صاحب نے ڈسٹرکٹ اینڈ سیشن جج کو ہدایت کی کہ خواتین، بچوں اور بزرگ ملزمان کے مقدمات پر ترجیحی بنیادوں پر فیصلہ کرنے کی کو شش کریں۔ اس مو قع پر انہوں نے قیدیوں کو فراہم کی گئی سہولیات پر اطمینان کا اظہار کرتے ہوئے کہا کہ چترال جیسے دور افتادہ علاقے میں سہولیات قیدیوں کو پہنچانا قابل تحسین کا وش ہے۔
تازہ ترین
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد