چترال (نمائندہ چترال میل) نامعلوم چور بجلی کا میٹر اور سروس تار چوری کر کے لے گئے۔تفصیلات کے مطابق اقرار الدین سکنہ چمرکن نے بتایاکہ اس کے سسر قاری محمد حنیف کا گھر بکر آباد بالا میں ہے۔گھر والے سعودی عرب گئے ہوے ہیں۔ ان کی غیر موجودگی میں نا معلوم چور 80گز سروس تار اور بجلی کا میٹر جو گھر کے ساتھ بجلی کے گھمبے پر لگایا گیا تھااتار کر لے گئے ہیں۔SDOپسکو چترال کی رپورٹ پر مقامی پولیس روزنامچہ درج کرکے تفتیش شروع کر دی ہے۔واضع رہے چترال میں میٹر چوری کا یہ پہلا واقعہ ہے۔