چترال (محکم الدین) ڈی ای او چترال احسان الحق نے کہا ہے۔ کہ ہمیں چترال میں کوالٹی ایجوکیشن کیلئے ہر وہ کوشش کرنی چاہیے۔ جو ہم سے ہو سکتا ہے۔ ہمیں چاہیے کہ دوسروں کو مورد الزام ٹھہرانے کی بجائے خو داچھے نتائج دینے کی کوشش کریں۔ تعلیم کا مقصد علم حاصل کرنا ہے،اس کا مقصد روزگار حاصل کرنا ہر گز نہیں ہے۔ ان خیالات کا اظہار انہوں نے منگل کے روزانرولمنٹ کمپین ڈے کے موقع پر گورنمنٹ سنٹینیل ماڈل ہائی سکول چترال میں ایک بڑی تقریب سے خطاب کرتے ہوئے کہا۔ جس میں محکمہ تعلیم کے جملہ آفیسران، ڈپٹی دائریکٹر این سی ایچ ڈی سکولوں کے اساتذہ اور طلباء کی بہت بڑی تعداد موجود تھی۔ انہوں نے کہا۔ کہ علم کی افادیت مسلمہ ہے۔ کیونکہ اللہ کے نبی پر اترنے والی وحی کی پہلی آیت اقراء سے شروع ہوتی ہے۔اسلام میں مذہبی اور عصری علوم دونوں کی اہمیت ہے۔ اس لئے آج کی تقریب اُن بچوں کو تعلیم کے دائرے میں لانے کی کوشش ہے۔ جو کسی وجہ سے محروم رہے ہیں۔ انہوں نے کہا۔ کہ جن قوموں نے تعلیم پر توجہ دی۔ آج وہ پوری دنیا پر حکمرانی کر رہے ہیں۔ ڈی ای او نے کہا۔ کہ موجودہ حکومت تعلیم پر بڑے پیمانے پر فنڈ خرچ کر رہی ہے۔ اور حصول تعلیم میں بہت آسانیاں پیدا کر دی ہیں۔ اس لئے بچوں اور اُن کے والدین کوعلم کیلئے دیے گئے ان سہولیات سے فائدہ لینے کی ضرورت ہے۔ انہوں نے کہا۔ کہ چترال کے تین طلبہ نے صوبے میں نمایاں پوزیشن حاصل کی ہے۔ جو کہ چترالی طلبہ کی صلاحیتوں اور اساتذہ کی محنت کی عکاسی کرتے ہیں۔ ڈپٹی ڈائریکٹر این سی ایچ ڈی محمد افضل نے کہا۔ کہ چترال میں تعلیم کا معیار اگرچہ پہلے سے بہتر ہے تاہم اب بھی مسائل موجود ہیں۔ جنہیں حل کرنے کیلئے باہم مل جل کر اقدامات کی اشد ضرورت ہے۔ ڈپٹی ڈی ای او حافظ نوراللہ نے کہا، کہ سرکاری سکولوں میں اعلی، باصلاحیت اور تجربہ کار اساتذہ طلبہ کو تعلیم دیتے ہیں۔ جبکہ سکولوں کی عمارتوں کا معیار بھی پرائیویٹ سکولوں سے بہت بہتر ہے۔ اس لئے طلبہ کو فوائد حاصل کرنا چاہیے۔ انہوں نے کہا۔ کہ 15فروری کو دروش، 16کو بونی اور 19اپریل کو گرم چشمہ میں انرولمنٹ کمپین واک ہو گا۔ تقریب سے پرنسپل سینٹنیل ماڈل ہائی سکول نے خطاب کرتے ہوئے کہا۔ کہ انرولمنٹ زیادہ ہوگی تو بے روزگاری کا خاتمہ ہوگا۔ جبکہ ہیڈ ماسٹر جی ایم ایس جغور منیر احمد نے کہا۔ کہ پرائیویٹ سکولوں میں اخلاقی تربیت کی شدید کمی ہے۔ اور سرکاری سکولوں میں پرائیویٹ سکولوں کی نسبت معیاری تعلیم دی جاتی ہے۔ قبل ازین ڈی ای او چترال کی قیادت میں داخلہ مہم کے حوالے سے ایک واک چترال پولوگراؤنڈ سے سینٹنیل ماڈل سکول تک کیا گیا۔ جس میں مختلف سکولوں کے اساتذہ اور طلبہ نے شرکت کی۔
تازہ ترین
- ہومچترال ٹاون سے تعلق رکھنے والے نوجوان کو قتل کرکے خودکشی کا رنگ دینے کی کوشش کو لوئر چترال پولیس نے ناکام بنا دیا۔
- ہوملوئر چترال پولیس کے انتہائی خوش اخلاق اور فرض شناس آفیسر ایکٹنگ سپرنٹنڈنٹ آف پولیس محمد ولی شاہ کے ریٹائرمنٹ کے موقع پر ان کے اعزاز میں ایک پروقار الوادعی تقریب کا انعقاد.
- ہومضلعی انتظامیہ کی طرف سے متاثرہ گھروں کی جو سروے ہوچکی ہے انہی فوراً مالی امداد کی فراہمی یقینی بنایا جائے۔۔رہنما پاکستان پیپلز پارٹی چترال نظارولی شاہ
- ہومچترال میں خودکشی کی رجحان میں کمی لانے کے لئے لویر پولیس نے پریونٹیو ڈیسک قائم کردیا ڈیسک کاباقاعدہ افتتاح ریجنل پولیس افیسر ملاکنڈ محمد علی خان نے کی
- ہومگرم چشمہ کے مقام پر پولوگراونڈ کا مسئلہ حل نہ ہونے پر سول سوسائٹی کے نمائندوں اور کارکنان کا دھرنا تیسرے روز میں داخل ہوگئی
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا