چترال (نما یندہ چترال میل) چترال پریس کلب کے سالانہ جنرل باڈی میٹنگ میں متفقہ طور پر سال 2018ء کے لئے گزشتہ سال کے عہدیداروں کو برقرار رکھے گئے جن میں ظہیر الدین اور سیف الرحمن عزیز سینئر نائب صدر شامل ہیں۔ دوسرے عہدیدار میاں آصف علی شاہ کا کاخیل نائب صدر، عبدالغفارجنرل سیکرٹری، نور افضل خان فنانس سیکرٹری اور نذیر احمد شاہ آفس سیکرٹری ہیں جوکہ گزشتہ سال ان عہدوں پر منتخب ہوگئے تھے۔ اس موقع پر صدارت کا دوبارہ اعتماد لینے والے صدر ظہیر الدین نے ممبران پریس کلب کا شکریہ ادا کرتے ہوئے کہا کہ وہ چترال میں صحافی برادری کے توقعات پر پورا اترنے کی بھر پور کوشش کریں گے۔
