(چترال میل رپورٹ)شہید بے نظیر بھٹو یونیورسٹی شرینگل دیر اپر نے ضلع دیر اپر اور چترال کے بے اے / بی ایس سی پارٹ ون اینڈ ٹو سالانہ امتحانات 2018کیلئے ریگولر، لیٹ کالج اور پرائیویٹ امیدواروں سے مجوزہ فارموں پر درخواستیں طلب کر لی ہیں۔ریگولر امیدوار اپنے متعلقہ اداروں سے جبکہ پرائیویٹ امیدوار ضلع دیر اپر اور چترال کے حبیب بینک کی تمام شاخوں سے فارم حاصل کر سکتے ہیں۔اس سلسلے میں فیسوں کا شیڈول بھی جاری کر دیا گیا ہے۔ تفصیلات کے مطابق نارمل فیس کے ساتھ فارم7مارچ2018 تک 100روپے لیٹ فیس کے ساتھ 17مارچ2018، ڈبل فیس کے ساتھ 27مارچ2018اور تین گنا فیس کے ساتھ 6اپریل 2018تک جمع کرائے جا سکتے ہیں۔اس امر کا اعلان شہید بے نظیر بھٹو یونیورسٹی شرینگل دیر اپر خیبر پختونخوا کی جانب سے جاری کردہ ایک اعلامیے میں کیا گیا۔