(چترال میل رپورٹ)خیبر پختونخوا پبلک سروس کمیشن کی سفارشات پر مجاز حکام نے دوامیدواروں کی محکمہ اعلیٰ تعلیم میں کالج کیڈر میں بحیثیت لیکچرار سوشیالوجی (بی پی ایس۔17) تقرریوں اور تعیناتیوں کے احکامات جاری کئے ہیں۔ تفصیلات کے مطابق محمد عبدالباسط ولد عبدالرشید سکنہ مردان کی تعیناتی گورنمنٹ پوسٹ گریجویٹ کالج(GPGC) نوشہرہ میں جبکہ ظفر احمد ولد غلام نذر سکنہ مستوج ضلع چترال کو گورنمنٹ ڈگری کالج واڑی،دیر بالامیں تعینات کیا گیا ہے۔ اس امر کا اعلان محکمہ اعلیٰ تعلیم،آثار قدیمہ اور لائبریریز حکومت خیبر پختونخواکے جاری کردہ ایک ا علامیے میں کیا گیا۔