چترال (محکم الدین) ضلع ناظم چترال مغفرت شاہ کی کوششوں سے لوکل پرمٹوں پر سے پابندی اُٹھا لی گئی ہے۔ اب پرمٹوں کے اجراء کے بعد مقامی لوگ قانونی عمارتی لکڑی حاصل کر سکیں گے۔ اسی طرح چلغوزے جمع کرنے اور اُن کی نقل وحمل پر جو پابندی محکمہ فارسٹ کی طرف سے لگائی گئی تھی وہ بھی ختم کردی گئی ہے۔ اب چلغوزے جمع کرنے اور اُنہیں ضلع سے باہر لے جانے پرکوئی پابندی نہیں ہوگی۔ تاہم چلغوزے کے کاروباریوں کو محکمہ فارسٹ کے قانونی تقاضے پورے کرنے ہوں گے۔ چترال میں گذشتہ آٹھ مہینوں سے عمارتی لکڑی کے پرمٹ کے اجراء پر پابندی سے مقامی لوگوں کو اپنے مکانات کی تعمیر میں شدید مشکلات کا سامنا کرنا پڑ رہا تھا۔ اور اس پابندی کی وجہ سے 2015میں سیلاب اور زلزلے کی وجہ سے متاثر ہونے والے لوگ مکانات کی تعمیر کیلئے عمارتی لکڑی نہ ملنے کے سبب اب بھی کھلے آسمان تلے یا خیموں میں زندگی گزارنے پر مجبور ہیں۔ اب پابندی اُٹھنے کے بعد مذکورہ متاثرین اور نئی مکانات بنانے والے درخواست گزار عمارتی لکڑی حاصل کرنے کے قابل ہوں گے۔ ضلع کونسل چترال اور دیگر مختلف فورم پر اس حوالے سے کوششیں جاری تھیں۔ تاہم آٹھ مہینے بعد پابندی اُٹھالی گئی ہے۔ چترال میں محکمہ فارسٹ کے علاوہ دیگر اداروں کی طرف سے عمارتی لکڑی کی قانونی نقل وحمل پر پابندی نے غریب لوگوں کو چھت کے نیچے زندگی گزارنے کے راستے مسدود کر دیے ہیں۔ اور اس پابندی سے عمارتی لکڑی کی قیمت آسمان تک پہنچ گئی ہے۔ جو کہ عام چترالی باشندے کی دسترس سے باہر ہے۔ لیکن افسوس کا مقام ہے۔ کہ غریب چترالی باشندوں کا کوئی نہیں سوچتا۔ بلکہ اس طبقے کو مزید تکلیف پہنچانے کی کوشش تمام سرکاری اداروں کی طرف سے کی جاتی ہے۔ چترال کے جنگلاتی علاقے میں چلغوزے کی پیداوار پر ایک بڑی آبادی کا انحصار ہے۔ جس پر محکمہ فارسٹ کی طرف سے پابندی کے سبب اُن کے چولہے ٹھنڈے پڑ گئے تھے۔ اب پابندی اُٹھنے کے بعد غریب طبقے میں خوشی کی لہر دوڑ گئی ہے۔ ممبر ضلع کونسل ایون رحمت الہی، اور عوامی حلقوں نے ضلع نا ظم چترال حاجی مغفرت شاہ اور ڈی ایف او چترال کا شکریہ ادا کیا ہے۔ اور کہا ہے، کہ پرمٹ پر پابندی سے مقامی لوگ انتہائی تکالیف سے دوچار تھے۔ جس سے اُن کونجات مل جائے گی۔ انہوں نے ڈی ایف او سے پُر زور اپیل کی کہ لوکل پرمٹوں کا اجراء بلاتاخیر کیا جائے۔ تاکہ برفباری سے پہلے لوگ اپنی عمارات تعمیر کرنے کے قابل ہوسکیں۔
تازہ ترین
- ہومچترال ٹاون سے تعلق رکھنے والے نوجوان کو قتل کرکے خودکشی کا رنگ دینے کی کوشش کو لوئر چترال پولیس نے ناکام بنا دیا۔
- ہوملوئر چترال پولیس کے انتہائی خوش اخلاق اور فرض شناس آفیسر ایکٹنگ سپرنٹنڈنٹ آف پولیس محمد ولی شاہ کے ریٹائرمنٹ کے موقع پر ان کے اعزاز میں ایک پروقار الوادعی تقریب کا انعقاد.
- ہومضلعی انتظامیہ کی طرف سے متاثرہ گھروں کی جو سروے ہوچکی ہے انہی فوراً مالی امداد کی فراہمی یقینی بنایا جائے۔۔رہنما پاکستان پیپلز پارٹی چترال نظارولی شاہ
- ہومچترال میں خودکشی کی رجحان میں کمی لانے کے لئے لویر پولیس نے پریونٹیو ڈیسک قائم کردیا ڈیسک کاباقاعدہ افتتاح ریجنل پولیس افیسر ملاکنڈ محمد علی خان نے کی
- ہومگرم چشمہ کے مقام پر پولوگراونڈ کا مسئلہ حل نہ ہونے پر سول سوسائٹی کے نمائندوں اور کارکنان کا دھرنا تیسرے روز میں داخل ہوگئی
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا