چترال (نما یندہ چترال میل) پاکستان تحریک انصاف کے سینئر رہنما ونگ کمانڈر (ریٹائرڈ) فرداد علی شاہ نے کہا ہے کہ ملک کو درپیش تمام مسائل کا حل ڈیموکریسی کے بجائے میریٹوکریسی میں مضمر ہے جس میں سروں کو گن کر حکمران مقرر کرنے کی بجائے خالصتاً میرٹ اور قابلیت کی بنیاد پر حکومت کا زمام کار ان لوگوں کے ہاتھوں میں دیا جائے جو مقابلے کے امتحان کے ذریعے سب سے ذیادہ قابل ثابت ہوں جبکہ اس بات میں شک کی کوئی گنجائش نہیں رہی کہ اس ملک میں جمہوریت بری طرح ناکام ہوگئی ہے اورجمہوریت کی بنیاد پر قائم نظام میں روز بروز بہتری کی بجائے ابتری آرہی ہے۔ چترال پریس کلب میں ایک نشست سے خطاب کرتے ہوئے انہوں نے میریٹوکریسی کے نام سے ایک نئی مجوزہ طرز حکومت کی خدوخال بیان کرتے ہوئے کہاکہ اس نظام میں ملک کی سطح پر میرٹ پر حکمران چنے جائیں گے جس میں مطلوبہ اوصاف ہوں گے اور وہ اس نظام کو چلانے کی پوری پوری اہلیت رکھے گااور میرٹ کے بل بوتے پر برسراقتدار آنے کی وجہ سے وہ کسی کی خوشنودی حاصل کرنے کی خاطر کوئی ماورائے دستور کام نہیں کرے گاا ور نہ ہی میرٹ کو پامال کرنے کاسوچ سکے گا۔ ان کا کہنا تھا کہ اس سسٹم میں بنیادی طور پر صدارتی طرز حکومت قائم ہوگی اور میرٹ پر صدر کی تقرری کے بعد وہ میرٹ پر مرکز اور صوبے میں حکومت تشکیل دے گا اور یوں پورا ملک میرٹ کی زریں اصول کی بنیاد پر چلائے جائے گا۔ انہوں نے اس بات پر افسوس کا اظہارکیا کہ وطن عزیز میں تمام خرابیوں کی جڑ سیا سی نظام ہے جوکہ دیانت دار لوگوں کو بھی غلط کام کروانے پر مجبور کر دیتی ہے اور کرپشن کی زنجیریں وقت گزرنے کے ساتھ ملک کو جکڑتی جارہی ہیں جن سے خلاصی کا واحد حل میریٹوکریسی ہے۔ ونگ کمانڈر (ریٹائرڈ) فرداد علی شاہ نے کہاکہ دنیا کے مختلف ملکوں میں اس نوعیت کی طرز حکومت کی طرف قدم بڑہائے جارہے ہیں جہاں سیاست دانوں نے کرپشن اور لوٹ مار مچارکھی ہے۔ انہوں نے جمہوری طرز حکومت کو ملک کے لئے زہر قاتل قرار دیتے ہوئے کہاکہ اس نظام میں غریب اور امیر کے درمیاں خلیج روز بروز بڑھتا جارہا ہے۔ انہوں نے ملک بھر کے سیاستدانوں، سیاسی مفکریں اور اہل دانش سے مطالبہ کیا کہ اس نظام کو ملک میں جاری کرنے کے لئے اس کا مکمل طور پر مطالعہ کریں اور اس کی نفاذ کے لئے طریقہ کار وضع کریں تاکہ وطن عزیز میں خوشحالی آئے اور غریبوں کو چین سے زندگی گزارنے کا موقع مل سکے۔ اس موقع پر شہر کے معززیں اور مختلف سیاسی جماعتوں کے کارکن اور رہنما بھی بڑی تعداد میں موجود تھے جن میں سابق ڈی۔ جی ہیلتھ ڈاکٹر سردار الملک، سابق امیر جماعت اسلامی مولانا شیر عزیز، مولانا ہدایت الرحمن، پروفیسر شمس النظر، ڈاکٹر محبوب حسین اور دوسرے شامل تھے۔
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے