لاہور (نمائندہ چترا ل میل)10اگست بروز جمعرات کو جامعہ فاروقیہ لاہور میں جمعیت طلباء اسلام چترال حلقہ لاہور کے 18ویں الیکشن کا انعقاد ہوا جس میں جمعیت طلباء اسلام سے تعلق رکھنے والے ممبران نے کثیر تعداد میں شرکت کی۔ انتخابات مغرب تا عشاء بغیر کسی وقفے کے جاری رہے۔ جس میں شہزاد احمد بولان 87ووٹوں کی برتری سے امیر منتخب ہوئے جبکہ حافظ شجاع الدین 63ووٹ حاصل کئے۔ جمعیت طلباء اسلام کے 150ممبران نے اپنی حق رائے دہی استعمال کی۔ نومنتخب امیر اورجنرل سیکریٹری نے اپنے عہدوں کا حلف بھی اٹھایا۔ نومنتخب امیر نے جمعیت طلباء اسلام کو فعال کرنے اورساتھیوں کو ساتھ لیکر چلنے کے عزم کا اظہار کیا۔
