دبئی(ویب ڈیسک) سابق صدر پرویز مشرف نے کہا ہے کہ سپریم کورٹ کا نواز شریف کو ہٹانے کا فیصلہ شاندار اور پاکستانیوں کیلئے خوش آئند ہے۔ نواز شریف کے جانے سے ان کی ملک واپسی کی راہ ہموار ہو گی۔ بھارتی اخبار کو انٹرویو کے دوران انہوں نے کہا کہ نواز شریف کو نااہل قرار دینا عدالتی بغاوت نہیں، عدالت نے یہ فیصلہ گہری سوچ بچار کے بعد دیا، وہ اسی کے حق دار تھے۔ نواز شریف نے نا صرف غلط بیانی کی بلکہ حقائق بھی توڑ موڑ کر پیش کئے۔عدالتی فیصلہ پاکستانی عوام کی خواہشات کے عین مطابق ہے۔ فیصلے کے اثرات کا ذکر کرتے ہوئے انہوں نے کہا کہ نواز شریف کی نااہلی سے عمران خان اور ان کی پارٹی کو فائدہ پہنچا ہے جبکہ ن لیگ نقصان میں رہی ہے۔ آئندہ عام انتخابات میں ن لیگ کے خلاف عمران خان کے علاوہ دیگر جماعتوں کیساتھ اتحاد کر سکتے ہیں، ہمارا مقصد ن لیگ اور پیپلزپارٹی کا راستہ روکنا ہے، جنہیں عوام تین تین بار آزما چکے ہیں اور انہوں نے عوام کو مایوسی کے علاوہ کچھ نہیں دیا، صرف لوٹ مار کی۔حریت رہنماؤں پر پاکستان سے فنڈنگ اور سکولوں کو جلانے کی رپورٹس کو انہوں نے بیہودہ پراپیگنڈا قرار دیتے ہوئے کہا کہ حریت رہنما مجاہدین ہیں جو کشمیریوں کی مدد کرنا چاہتے ہیں، اس کے برعکس بھارتی فوج کشمیر میں نسل کشی کر رہی ہے۔ امریکہ کی جانب سے 35 کروڑ ڈالر کے فنڈز روکنے پر انہوں نے کہا کہ یہ فنڈز روکنے سے پاکستان مر نہیں جائے گا۔ انہوں نے چین کو پاکستان کا عظیم دوست قرار دیتے ہوئے ایسی تمام رپورٹس مسترد کر دیں جن میں الزام لگایا گیا ہے کہ بیجنگ پاکستان کو غلام بنانا چاہتا ہے۔
تازہ ترین
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور