چترال (نمائندہ چترال میل)ضلع چترال کے کالاش ویلی بریر کے نمائندہ گان جناب شمس الربی اور انت بیگ ممبر برائے اقلیت VCبریر نے صوبائی حکومت سے مطالبہ کئے ہیں۔چونکہ کالاش ویلی بریر میں ٹیلی نار کا ٹاور گزشتہ سال 2016ء میں تیار ہوچکا ہے۔ مگر محکمہ جنگلات کی جانب سے پروٹیکٹیو ایریا قرار دے کر بند کر رکھے ہیں۔ جس کی وجہ سے علاقے بریر کے اقلیتی براداری کو کمیونیکیشن کا بہت بڑا مسئلہ پیدا ہوا ہے۔ اس حوالے سے کالاش ویلی کی جانب سے ایک مشترکہ قرارداد صوبائی حکومت کے ذمہ داران اور ضلعی حکو مت کو دے چکے ہیں۔
لہذا ہمارا مطالبہ ہے صوبائی حکومت سے اور ضلعی حکومت سے کہ ٹیلی نار والوں سے جملہ لوازمات مکمل کر کے عوام کو فوری سہولت فراہم کرنے کا حکم صادر فرمایا جائے۔