چترال (نمائندہ چترال میل) چترال لیبر یونین کا ایک غیر ممولی ہنگامی اجلاس زیر صدارت نظام الدین منعقد ہوا۔ جس میں لیبرز کو درپیش مسائل پر غور کیا گیا۔ اجلاس میں دنین ریسٹ ہاؤس میں پشاور سے آئے ہوئے لیبر یونین کے عہدہ داروں کے اجلاس میں طے شدہ فیصلے کو انتہائی بچگانہ قرار دیا گیا۔ اور اُسے مسترد کرتے ہوئے یہ طے پایا۔ کہ مستقبل قریب میں چترال کے اندر لیبر یونین کے انتخابات کرائے جائیں گے۔ اور ایک باقاعدہ کابینہ تشکیل دی جائے گی۔ نئے صدر کے انتخاب تک ایک عبوری کابینہ تشکیل دی گئی،جس میں شکیل احمد صدر، محی الدین نائب صدر، سلیم عباس جنرل سیکرٹری، نظام الدین چیرمین، حکیم محمد وائس چیرمین، سیف القادر فنانس سیکرٹری اور جاوید احمد پریس سیکرٹری کے فرائض انجام دیں گے۔ اجلاس میں پشاور سے آئے ہوئے یونین کے نمایندوں حبیب نواز اور محمد سرور نے جس غیر سنجیدگی کا مظاہرہ کیا اُس کا سختی سے نوٹس لیا گیا۔