چترال (نمائندہ چترال میل) سابق کمشنر ان لینڈ ریو نیواور موجودہ صدر آل پاکستان مسلم لیگ چترا ل نے کہا ہے کہ ان کی پارٹی چترال کی سب سے بڑی سیاسی قوت ہے۔ اور 2018ء کے الیکشن میں چترا ل سے مکمل کامیابی حاصل کرے گی۔سابق صدر خالد پرویز کی صدارت میں ہونے والی پارٹی کارکنوں کی اجلاس کے فیصلے کے اوپر اظہار خیال کرتے ہوئے اپنے اخباری بیان میں سلطان صاحب کا کہنا تھا کہ یہ سیاسی اخلاقیات کی ایک جائز مگر نا پسندیدہ فعل ہے۔ صدر آل پاکستان مسلم لیگ کا کہنا ہے کہ سیاست میں پارٹیوں کے اندر افراد کا آنا جانا رہتاہے۔ عنقریب مختلف سیاسی پارٹیوں سے بہت با اثر افراد اے پی ایم ایل چترال میں شامل ہونے کی توقع ہے۔ جو کہ جانے والوں کی آنکھیں کھولنے کیلئے کافی ہونگے۔ انہوں نے استعفیٰ کی خواہش رکھنے والوں کو نصیحت کرتے ہوئے کہا ہے کہ ان کو اے پی ایم ایل کے علاوہ کہیں اور سکون نہیں ملے گا۔ اسلئے بہتر ہے کہ اپنی پارٹی ہی میں رہ لیں۔ اے پی ایم ایل پریزیڈنٹ نے اس بات کا اظہار کیا کہ وہ چیرمین پرویز مشرف سے ملاقات کے بعد بہت جلد اپنی ڈسٹرکٹ کیبینٹ کا اعلان کریں گے۔ انہوں نے اس عزم کا اظہار کیا کہ وہ تمام ڈسٹرکٹ کا دورہ کر کے اے پی ایم ایل کو ویلج لیول تک آرگینائز کریں گے۔ وومن ونگ، یوتھ ونگ اور سٹوڈنٹ ونگ کو منظم کیا جائے گا۔ پارٹی کو ماڈرن لائنز پر آرگنائز کیا جائے گا اور آئی ٹی، ایجوکیشن، اسپورٹ اور کلچر کیلئے الگ سیکرٹری اپوائنٹ کئے جائیں گے جو پریسکرائبڈ جاب ڈسکرپشن کے اوپر کام کریں گے۔