پشاور (نمائندہ چترال میل) زاہد خان اپنی پارٹی کی خیر منائیں اے این پی 2013 ء میں وفات پاچکی ہے اس کی ارتھی کو 2018 ء میں جلا کر انشا ء اللہ بھارتی گنگا جمنا میں بہا دی جائے گی۔۔درمیانی مدت آخری رسومات کے لئے چھوڑ دی گئی ہے ایزی لو ڈ کا دور ختم ہو چکا ہے2008 ء میں جماعت اسلامی بائیکاٹ نہ کرتی تو اے این پی قیامت نازل ہونے تک اقتدار میں نہ آتی اس پر زاہد خان کو جماعت اسلامی کا شکر گزار ہونا چاہئے تھا۔ ملا کنڈ ڈویژن جماعت اسلامی کا ہے اور رہے گا۔ملا کنڈ ڈویژن میں سرحدی گاندھی کے مرید نہ ہونے کے برابر ہیں 2018ئکے انتخابات میں انشا ء اللہ نہ صرف ملا کنڈ ڈویژن بلکہ پورے صوبہ سے اکثریتی پارٹی کے طور پر کامیابی حاصل کرنا جماعت اسلامی کا مقدر ہے صوبائی حکومت ہماری ہو گی عوامی نیشنل پارٹی کرپشن اور ایزی لوڈ میں انٹرنیشنل ایوارڈ کی مستحق ہے۔خیبر پختونخوا کے عوام انشا ء اللہ آئندہ کبھی بھی عوامی نیشنل پارٹی کو ووٹ نہیں دیں گے۔ان خیالات کا اظہار جماعت اسلامی پاکستان کی مرکزی مجلس شوریٰ کے رکن،جمعیت اتحاد العلما ء کے صوبائی صدر اور سابق ممبر قومی اسمبلی مولانا عبد الاکبر چترالی نے زاہد خان کے شائع شدہ بیان پر تبصرہ کرتے ہوئے کیا۔انہوں نے کہا کہ پختونوں کے حقوق کے دعویداروں نے صوبہ میں 100 یونٹ مفت دینے کی بجائے پختونوں کو لوڈ شیڈنگ کا تحفہ دیا۔انہوں نے کہا کہ انتخابی نشان لالٹین پر الیکشن کرنے والوں نے لالٹین کو پختونوں کا مقدر بنا دیا ہے۔