پشاور (نما یندہ چترال میل)چترال کی دینی جماعتوں کا مشترکہ اجلاس زیر صدارت سابق ممبر قومی اسمبلی مولانا عبد الاکبر چترالی حدیقۃ العلوم المرکز الاسلامی پشاور منعقد ہو ا۔اجلاس میں جمعیت علما ء اسلام کے مولانا حبیب الرحمن انقلابی،اھل سنت وا لجماعت کے مولانا نصیر الدین، مولانا محب الرحمن فاروقی مولانا صابر اللہ، جماعت اسلامی کے مولانا قاضی خلیل احمد مولانا زبیر احمد منصوری اور قار ی نور محمد شاہ شریک ہوئے۔ اجلاس میں متفقہ طور پر ایک قرار داد کے ذریعے صوبائی حکومت سے مطالبہ کیا گیا کہ چترال میں مبینہ طور پر توہین رسالت کے مرتکب ملعون رشید کے خلاف احتجاج کرنے والے قیدیوں کو فورًا رہا کیا جائے اور ان پر تمام مقدمات بشمول ,6,7ATA واپس لئے جائیں۔ڈی پی او چترال کو فورًامعطل کر کے ان کے خلاف جو ڈیشل انکوائری کرا ئی جائے۔