چترال (نما یندہ چترال میل) گذشتہ رات سے وقفے وقفے سے بارش اور بالائی پہاڑوں پر برفباری نے چترال کے لوگوں کیلئے آمد ورفت میں مزید مشکلات پیدا کردی ہیں۔اس سے قبل لواری ٹنل کو کھولنے کے بعد نامعلوم وجوہات کی بنا پر ہر قسم کی ٹریفک کیلئے تاحال بند کر دیا گیا ہے جس سے چترال کے لوگوں کی آمدورفت کی مشکلات بدستور موجود ہیں۔ لواری ٹاپ اور لواری ٹنل جو چترال کے لوگوں کا ضلع سے باہر نکلنے اور باہر سے ضلع میں داخل ہونے کی واحد راستے ہیں۔ بند ہونے کی وجہ سے لوگوں کو شدید پریشانیوں کا سامنا ہے۔ بازار میں سبزی، مرغی اور خوراک کی دیگر اشیاء دستیاب نہیں۔ اور جو دستیاب ہیں اُن کی من مانی قیمتیں وصول کی جاتی ہیں مقامی دکانداروں کے مطابق قیمتوں میں اضافے کا سبب روڈ کی بندش ہے۔ کیونکہ سامان پر بھاری کرایہ وصول کیا جاتا ہے اس لئے دکانداروں کو بھی سامان کی قیمت میں اضافہ کرنا پڑتا ہے۔ روڈ کی بندش سے سب سے زیادہ متاثر چترال کا غریب طبقہ ہے۔ جن پر اشیاء کی قیمتوں میں اضافے سے مزید بوجھ پڑا ہے۔ اور زندگی دشوار ہو چکی ہے عوامی حلقوں نے لواری ٹاپ کھلنے پر انتہائی خوشی کا اظہار کیا تھا کیوں کہ آمدورفت بحال ہونے سے اشیاء خوردونوش سستی ملنے کی توقع تھی۔ لیکن لواری ٹاپ کو بھی آمدورفت کیلئے بند کرنے پر اُن کی امیدوں پر پانی پھیر گیا ہے۔ اشیاء خوردونوش کے ریٹس پر ضلعی انتظامیہ اور ڈسٹرکٹ فوڈ کنڑولر کا کوئی اختیار نہیں۔ بلکہ محکمہ فوڈ عوام کو ریلیف دینے کی بجائے سبزی فروشوں، گوشت فروشوں اور نانبائیوں کیلئے اُن کی مرضی کے ریٹس مقرر کرکے اُنہیں خوش کرنے کا فریضہ انجام دے رہی ہے یوں چترال ملک کا وہ ضلع ہے جہاں غیر معیاری اشیاء کی بھر مار کے ساتھ ساتھ اُن کی قیمتیں سب سے زیادہ ہیں۔ عوامی حلقوں نے محکمہ بلدیات کے ناظمین کی کارکردگی پر بھی انتہائی مایوسی کا اظہار کیا ہے کہ اس حوالے سے وہ کوئی کردار ادا نہیں کرتے جبکہ عوام نے اپنی آواز حکومت تک پہنچانے اور اس قسم کی ظلم و زیادتی روکنے کیلئے اُنہیں منتخب کیا ہے۔
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے