چترال (محکم الدین) سرحد رورل سپورٹ پروگرام کے زیر اہتمام چائلڈ پروٹیکشن پراجیکٹ کے تحت بچوں کے مسائل اور ان کے حقوق سے متعلق آگہی دینے کیلئے بدھ کے روز گورنمنٹ ہائی سکول ایون میں ایک تھیٹر کا انعقاد کیا گیا۔ جس میں ”ترقی برائے سوشل چینج ” کے عنوان سے لوگوں میں بچوں کے حقوق اور درپیش مسائل سے متعلق حساسیت پیدا کرنے اور آگہی پھیلانے کیلئے تھیٹر میں فنکاروں نیاپنے فن کا بھر پور مظاہرہ کیا اور شرکاء سے خوب داد وصول کی۔اس موقع پر سکول کے پرنسپل احسان الحق، چیرمین ویلج کونسل ایون ون وجیہ الدین، سابق ممبر جندولہ خان یوتھ کونسلر صہیب عمر، کسان کونسلر یوسی ٹو عبدالصمد سکول کے اساتذہ، طلبہ، سول سوسائٹی کے نمایندگان اور بڑی تعداد میں خواتین نے شرکت کی۔خواتین کیلئے پردے کا الگ انتظام کیا گیا تھا۔ تھیٹر میں معاشرتی ناہمواریوں کے باعث بچے بچیوں کے درمیان امتیاز، بچیوں کو تعلیم و صحت کے حوالے سے درپیش مسائل،گھریلو تشدد، جنسی و ذہنی تشدد وکم عمری میں شادی کے نقصانات،پولیو کے قطروں کی اہمیت اور خصوصا بچوں سے متعلق قوانین کے بارے میں عوامی سطح پر عدم آگہی کے نتیجے میں جنم لینے والے مسائل کوبہترین انداز میں مکالموں کے ذریعے فنکاروں نے سٹیج پر پیش کیا۔ اور خوب داد وصول کی۔ تھیٹر کے ڈائرکٹر زاہد رحمن اور ایس آر ایس پی ہیڈ کوارٹر کے ابراہیم جان نے بھی فنکاروں کی معاونت کی۔ اس موقع پر پرنسپل گورنمنٹ ہائر سکینڈری سکول ایون کے پرنسپل احسان الحق نے اپنے خطاب میں بہترین پیغامات پر مبنی تھیٹر کے انعقاد پر ایس آر ایس پی کی تعریف کی اور فنکاروں کو شاباش دی۔ اور کہا۔ کہ ایس آر ایس پی نے ہمیشہ کمیونٹی کی بہتری کیلئے کام کیا ہے۔چائلڈ پروٹیکشن پروجیکٹ بھی ایک قابل ستائش منصوبہ ہے۔ جس کے ذریعے بچوں کے حقوق اوران کے بہتر مستقبل کیلئے آگہی دی جارہی ہے۔ انہوں نے آیندہ بھی اس قسم کے سبق آموز تھئیٹرکے انعقاد پر بھر پور تعاون کا یقین دلایا۔ سوشل آرگنائزر ایس آر ایس پی عبادالرحمن نیاپنے ادارے کی طرف سے تمام حاضرین کا شکریہ ادا کیا
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے