چترال (نما یندہ چترال میل) پاکستان میں جرمن سفیر الفریڈ گرینیس نے جمعہ کے روز چترال شہر کے قریب دولومچ کے مقام پر پینے کے صاف پانی کے منصوبے کامعائنہ کیا اور مستفید ہونے والی کمیونٹی سے تبادلہ خیال کیا۔ اس موقع پر کمیونٹی کے رہنماؤں ظہران شاہ، لیاقت علی، شیر مراد, عمادالدین اور دوسروں نے انہیں بتایاکہ 27کلومیٹر دور موغ میں واقع چشمے کے پانی کو پائپ لائن کے ذریعے اس ٹاؤن شپ اور آس پاس کے 723گھرانوں میں سپلائی کیا جارہا ہے جوکہ 2015ء میں آغا خان پلاننگ اینڈ ہاوسنگ بورڈ کے ذریعے پایہ تکمیل کو پہنچ گیا تھا۔ مگرآبادی بڑھنے کی وجہ سے اب پانی کی قلت کا سامنا ہے، لہذا انھیں سولرسسٹم کے زریعے پانی پہنچانے میں مدد کی جائے۔ جرمن سفیر نے ترقی کے لئے کمیونٹی کی اجتماعی کاوشوں کا سراہتے ہوئے کہاکہ اسی وجہ سے کمیونٹی کے جملہ مسائل احسن طریقے سے حل ہوں گے جن کا تعلق جس شعبے سے بھی ہو۔ انہوں نے کمیونٹی کو یقین دلایا کہ وہ جرمن حکومت ترقی کے دیگر منصوبوں میں بھی مدد کی فراہمی کا سلسلہ جاری رکھے گا۔ اس موقع پر کے ایف ڈبلیو کے پاکستان میں ڈائرکٹر سباسٹین جیکوبی اور جرمن سفارت خانے کے دیگر ذمہ داراں سباسٹین پاسٹ، مس انٹونیہ پیٹرز جبکہ آغا خان ڈیویلپمنٹ نیٹ ورک کے چیف ایگزیکٹو افیسر اختر اقبال، آغا خان ایجنسی فار ہبیٹاٹ کے چیف ایگزیکٹیو افیسر نصرت نصاب، ڈائرکٹر پارٹنرشپ مس فرح، اے کے آرایس پی کے جنرل منیجر جمیل الدین موجود تھے۔ جرمن سفیر ودیگرمہمانوں نے کے۔ایف۔ڈبلیو کی تعاون سے تعمیر شدہ منصوبے کا بھی وزٹ کیا۔ کمیونٹی کی طرف سے مہمان خواتین کو مقامی طور پر تیار کردہ چادر اور مرد حضرات کو چترالی روایتی ٹوپی (کھپوڑ) پیش کئے گئے۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا