چترال (نما یندہ چترال میل) نو تعینات ڈپٹی کمشنر لوئر چترال محمد علی خان نے چارج سنبھال کر کام شروع کردیا۔ اس موقع پر اپنے دفتر کے عملے سے گفتگو کرتے ہوئے انہوں نے کہا کہ ضلع لوئر چترال میں انتظامی فرائض کی ادائیگی کیلئے تمام افسران واہلکاران متحرک رہیں اور فرائض کی ذمہ دارانہ ادائیگی کیلئے ٹیم ورک کا مظاہرہ کریں اور عام ادمی کے مسائل کے حل اور زندگی میں آسانی کیلئے مثبت اقدامات کو یقینی بنائیں۔افسران واہلکاران دفاتر میں بروقت حاضری یقینی بنائیں فرائض کی آدائیگی میں کسی قسم کی غفلت وکوتاہی بالکل برداشت نہیں کی جائے گی۔ دریں اثناء ڈویژنل فارسٹ آفیسر وائلڈ لائف چترال وائلڈ لائف ڈویژن رضوان اللہ نے نو تعینات ڈپٹی کمشنر سے ملاقات کی۔ ڈی ایف او وائلڈ لائف نے محکمہ وائلڈ لائف کی جانب سے ڈی سی کو سووینئر پیش کیا۔ اور ڈی سی کیلئے نیک خواہشات کا اظہار کیا۔
