چترال (نمائندہ چترال میل) سی اینڈ ڈبلیو ڈیپارٹمنٹ کے ساتھ کام کرنے والے ٹھیکہ داروں نے لویر چترال اور اپر چترال کے دو ڈویژنوں کے لئے ایک ڈویژنل اکاونٹس افیسر مقرر کرنے پر تشویش کا اظہار کرتے ہوئے کہا ہے کہ چترال کو اپر اور لوئر اضلاع میں تقسیم کرنے کا مقصد ہی آسانی پیدا کرنا تھا لیکن اکاونٹنٹ جنرل خیبر پختونخوا نے سی اینڈ ڈبلیو کے دو ڈویژنوں کے لئے ایک اکاونٹس افیسر مقرر کرکے اس مقصد ہی کی نفی کردی ہے۔ ان کا کہنا تھاکہ پبلک ہیلتھ انجینئرنگ ڈیپارٹمنٹ کے ایک جونیئر کلرک کو کچھ عرصہ پہلے سی اینڈ ڈبلیو ڈویژن لویر چترال کا ایمرجنسی کیڈر اکاونٹنٹ لگادیا گیا تھا لیکن بعد میں اپر چترال کو ڈویژن کا درجہ ملنے کے بعد اگرچہ اس کے لئے الگ ایگزیکٹیو انجینئر کی پوسٹنگ کردی گئی لیکن سی اینڈ ڈبلیو ڈیپارٹمنٹ میں تجربہ نہ ہونے اور مطلوبہ گریڈ میں نہ ہونے کے باوجود ایک جونئیر کلرک کو اپر چترال کا بھی چارج دیا گیا ہے۔ ان کا یہ بھی کہنا تھاکہ ڈویژنل اکاونٹس افیسر گریڈ 17کا پوسٹ ہے جس پر تعیناتی دو حصوں پرمشتمل ڈویژنل اکاونٹس افیسر کا پروفیشنل امتحان پاس کرنے پر ہی ہوتی ہے۔ محکمہ سی اینڈ ڈبلیو میں بعض ذرائع کا کہنا تھا کہ گریڈ 17کا ریگولر اکاونٹس افیسر کی عدم دستیابی پر پارٹ ون پاس کرنے والوں کو ایمرجنسی کیڈر پر اس پوسٹ پر تعینات کیاجاتا ہے لیکن استطاعت کی کمی بنا پر ایسے اہلکارکو صرف ایک ڈویژن کا چارج دیا جاتا ہے جس کا وہ ملازم ہو لیکن دوسرے محکمہ میں پوسٹنگ ہر گز نہیں کیا جاتا۔ ذرائع نے بتایاکہ ڈویژنل اکاونٹس افیسر کا امتحان پاس کرنے کے بعد سی اینڈ ڈبلیو، ایریگیشن یا پبلک ہیلتھ انجینئرنگ ڈیپارٹمنٹ کا ملازم اکاونٹنٹ جنرل کے دفتر کا ملازم بن جاتا ہے جبکہ ایمرجنسی کیڈر اکاونٹنٹ صرف متعلقہ محکمے کا ہی ملازم ہوتا ہے جس کی وجہ سے دوسرے ڈیپارٹمنٹ میں ان کی تعیناتی سراسر خلاف ضابطہ ہے۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ