چترال (نما یندہ چترال میل) گولین گول پاورہاوس میں مرمت کا کام شروع کرنے کی وجہ سے لویر اور اپر چترال اضلاع میں بجلی گزشتہ 20گھنٹوں سے غایب ہے۔ پیسکو کی طرف سے کوئی پیشگی اطلاع کے بغیر بجلی بند کرنے سے چترال شہر اور مضافات میں عوام کو سخت تکلیف کا سامنا رہا۔ چترال اور بونی ٹاؤن میں قائم درجنوں قرنطینہ سنٹروں میں ایک ہزار کے لگ بھگ افراد مقیم ہیں جو کہ بجلی کی طویل بندش سے انتہا ئی مشکل حالات میں بتائے جاتے ہیں۔