وزیر اعلیٰ خیبر پختونخوا کے معاون خصوصی برائے اقلیتی امور وزیر زادہ کی زیر صدارت پیر کے روز ایک اجلاس منعقد ہوا جس میں اقلیتوں کے لیے صوبہ بھر کے تمام تعلیمی اداروں میں 2 فیصد داخلہ کوٹہ مختص کرنے پر غور و خوض کیا گیا ہے۔ اجلاس میں ممبر صوبائی اسمبلی سردار رنجیت سنگھ کے علاوہ ایڈیشنل سیکرٹری ابتدائی و ثانوی تعلیم افسر علی شاہ، ایڈیشنل سیکرٹری زراعت کبیر، ایڈیشنل سیکرٹری انڈسٹریز محمد رحمان، ڈپٹی سیکرٹری ہیلتھ وحید خان، ڈپٹی سیکرٹری بہبود آبادی پیر محمد کے علاوہ دیگر متعلقہ افسران نے بھی شرکت کی۔اس موقع اقلیتوں کے لیئے سرکاری ملازمت کے لیئے منعقد کیے جانے والے امتحانات کے پاسنگ مارکس کم کرنے کی تجویز بھی پیش کی گئی ہے جبکہ صوبے کی تمام جامعات میں کوٹہ مختص کرنے کے حوالے سے محکمہ اعلیٰ تعلیم کو وزیر اعلیٰ خیبر پختونخوا کو سمری منظوری کے لیئے بھیجنے کی ذمہ داری سونپی گئی ہے۔معاون خصوصی وزیر زادہ نے اجلاس سے خطاب کرتے ہوئے کہا کہ اقلیتوں کو معیاری تعلیم کے حصول کے مواقع فراہم کرنے کے ساتھ ساتھ انہیں باعزت روزگار بھی فراہم کرنے کے لیے جامع منصوبہ بندی کر رہے ہیں ان کا کہنا تھا کہ اقلیتوں کی فلاح وبہبود موجودہ حکومت کی اولین ترجیحات میں شامل ہے۔اس موقع پر معاون خصوصی نے کہا کہ اقلیتوں کے طرز زندگی کو مزید بہتر بنانے کیلئے ہاؤسنگ سوسائٹی میں اقلیتوں کے لیئے کوٹہ مختص کر نے کی بھی کوشش کر رہے ہیں۔
تازہ ترین
- ہومچترال میں خودکشی کی رجحان میں کمی لانے کے لئے لویر پولیس نے پریونٹیو ڈیسک قائم کردیا ڈیسک کاباقاعدہ افتتاح ریجنل پولیس افیسر ملاکنڈ محمد علی خان نے کی
- ہومگرم چشمہ کے مقام پر پولوگراونڈ کا مسئلہ حل نہ ہونے پر سول سوسائٹی کے نمائندوں اور کارکنان کا دھرنا تیسرے روز میں داخل ہوگئی
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔