حمدباری تعالیٰ۔۔۔تحریر:سیدنذیرحسین شاہ نذیر
آرزو اوچے ارمان مہ تحریر تتے محتاج نون
پوشیرو ہر ای خوشپو تعبیر تتے محتاج نون
خالق دی تو رازق دی بے شک تو لا شریک دی
اے لا مکان جہانو تعمیر تتے محتاج نون
کیہ نوغ واکیہ پرانو ژان وینی وا وے ژانو
درستی یہ کا ئناتو تقدیر تتے محتاج نون
تہ حکمار بے حکم زہیچ چھان دی لشٹہ نو دویان
پھیر کیک نو بیتی ا ی درو شمشیر تتے محتاج نون
ظالمو اوچے مظلوم دی قارونو اوچے نمرود دی
فرغونو،غونہ ہاتے جابر تتے محتاج نون
آسمانہ مس استاری یور و روشتیو شخور
بق روشت انوس دی وا چھوئے تب گیر تتے محتاج نون
امیر و اوچے غریب دی ولی اوچے خالی دی
پوشیرو نو پوشیرو راہ گیر تتے محتاج نون
گناہان یہ دلدلو اُمیدو تے روشتیا
لمحہ لمحہ ہر ساعت نذیر ؔ تتے محتاج نون