(چترال میل رپورٹ)نظامت ثقافت خیبر پختونخوا نے صوبے بھر میں ثقافت سے وابسطہ مختلف آرٹسٹوں کے لئے مالی معاونت کے منصوبے کا اعلان کیاہے جس کے تحت اُنہیں ماہانہ اعزازیہ دیا جائے گا۔ اس مقصد کے لئے تمام ڈپٹی کمشنر وں کو ہدایات جاری کردی گئی ہیں۔ اضلاع مالاکنڈ، دیر لوئر، دیر اپر اور چترال کے آرٹسٹوں کو مشورہ دیا گیا ہے کہ وہ اپنے علاقوں کے اسسٹنٹ کمشنروں کے دفاتر سے متعلقہ فارم حاصل کرکے بھر دیں اور مزید کاروائی کے لئے اُن کے دفاتر میں واپس جمع کریں۔ تاکہ ضروری غور و خوص کے بعد میرٹ کی بنیاد پر اُن کو حتمی شکل دی جاسکے اور مستحق ثقافتی فنکاروں کو ماہانہ اعزازیہ کی ادائیگی یقینی بنائی جاسکے۔ اس سلسلے میں ڈپٹی کمشنر مالاکنڈ کی جانب سے درگئی اور بٹ خیلہ سب ڈویژنوں کے اسسٹنٹ کمشنروں کو پہلے ہی سے ضروری ہدایات جاری کردی گئی ہیں۔