(چترال میل رپورٹ)خیبرپختون خوا حکومت کے شروع کردہ پروگرام صحت انصاف کارڈ سے اب تک صوبے کے مختلف سرکاری اور پرائیویٹ ہسپتالوں میں 69ہزار مریص مستفید ہوچکے ہیں جس پرکل1.65بلین روپے خرچ ہوئے ہیں -محکمہ صحت کی جاری کردہ ایک رپورٹ کے مطابق69ہزار کیسوں میں پچاس ہزار مختلف اقسام کے اپریشنز اور 19ہزار دیگر میڈیکل کیسز شامل ہیں، صحت کارڈ سے سب سے زیادہ مردان کے لوگ مستفید ہو چکے ہیں جہاں 9870 افراد نے اس کارڈ سے استفادہ حاصل کیا ہے، دوسرے نمبر پر صوابی ہے جہاں 7949 لوگوں نے صحت انصاف کارڈ کی بدولت مفت علاج کی سہولت حاصل کی۔ اسی طرح کوہاٹ میں 7320 اور پشاور میں 7120 افراد پروگرام کے تحت صحت سہولیات حاصل کر چکے ہیں۔ فروری 2016میں صوبے کے چار اضلاع سے شروع کیے گئے اس منصوبے کی کامیابی کو دیکھتے ہوئے اب پورے صوبے تک وسعت دی گئی ہے ۔پروگرام کے پہلے مرحلے میں مردان ملاکنڈ کوہاٹ اور چترال کے غریب لوگوں کو یہ سہولت فراہم کی گئی تھی جس میں متعلقہ اضلاع کی آبادی کے اکیس فیصدغریب ترین عوام کوصحت کی سہولیات فراہم کی گئیں منصوبے کی کامیابی کومدنظر رکھتے ہوئے صرف پانچ مہینے بعد اسکا دائرہ کاربڑھا دیا گیا اوردوسرے مرحلے کا آغاز کرکے صوبے کے 51فیصد آبادی کے اٹھارہ لاکھ خاندانوں میں صحت کارڈز تقسیم کئے گئے۔صحت انصاف کے دو مر حلوں میں حوصلہ افزاء نتائج اور عوام کی جانب سے اس سکیم کی پذیرائی کے بعد اب اسکے تیسرے مرحلے کا اغاز ہوچکاہے جسمیں پورے صوبے کے 25لاکھ خاندانوں کے ایک کروڑننانوے لاکھ غریب لوگوں کویہ سہولت فراہم کی جارہی ہے۔صوبے کے بڑے سرکاری ہسپتالوں کے ساتھ ساتھ معروف پرائیویٹ ہسپتالوں کو بھی پینل میں رکھا گیا ہے جہاں سے مستحق مریض اس کارڈ کی بدولت علاج معالجہ کی سہولت حاصل کررہے ہیں۔صوبے کے ڈسٹرکٹ ہسپتالوں کے ساتھ تحصیل ہسپتالوں میں بھی صحت انصاف کارڈ سے مریض مستفید ہونگے۔محکمہ صحت کے مطابق اس منصوبے کے تحت اب او پی ڈی کی سہولت فراہم کرنے پر بھی غور کیاجارہاہے جسکانفاذ تجرباتی بنیادوں پر دو اضلاع میں کیا جائیگا۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما