چترال (نمائندہ چترال میل) پیر کے روز لویر چترال کی وادی شیشی کوہ میں ٹینگڑ کے مقام پر جیپ گاڑی کو حادثہ پیش آنے سے ایک شخص جان بحق جبکہ ڈرائیور سمیت چار افراد زخمی ہوگئے جنہیں تحصیل ہیڈ کوارٹرز ہسپتال دروش میں داخل کردئیے گئے ہیں۔ مقامی پولیس کے مطابق ڈرائیور صغیر احمد ولد محمد نذیر قریبی گاؤں کشینگڑ سے واپس آرہا تھاکہ ٹینگڑ کے قریب ایک موڑ کاٹتے ہوئے گاڑی ان سے بے قابو ہوکر کھائی میں گر گئی جس سے گاڑی میں سوار چار افراد زخمی اور ایک شخص کاشف احمد ولد رحمت نذیر جان بحق ہوگئے۔زخمیوں میں عماد الدین ولد رحمت نذیر، عماد الدین ولد عبدالربی، محمد نذیر ولد رحمت نذیر شامل ہیں۔ گاڑی کے ڈرائیور سمیت تمام سواریوں کا تعلق ایک ہی گاؤں ٹینگڑ سے تھا۔