چترال(نما یندہ چترال میل)چترال کے دو قابل فخر سکالرز مفتی عزیز احمد سو یر دروش لیکچرار ملاکنڈ یونیورسٹی اور مفتی محب الرحمان ریری اویر استاذالحدیث دار العلوم چترال شاھی مسجد نے پی ایچ ڈی مکمل کرلی۔ تفصیلات کیمطابق فیڈرل اردو یونیورسٹی سے مفتی عزیز احمد چترالی لیکچرر ملاکنڈ یونیورسٹی نے اپنے مقالے کا کامیابی سے دفاع کیا۔موصوف دار العلوم کراچی کے فارغ التحصیل اور وفاق المدارس کے پوزیشن ہولڈرز ہیں۔ملاکنڈ یونیورسٹی میں اسلامک ریسرچ جرنلز کے ایڈیٹر بھی ہیں۔انہوں نے ملکی و بین الاقوامی ریسرچ جرنلز میں دو درجن کے قریب تحقیقی مقالات شا یع کر چکے ہیں۔ان کا موضوع ”تفسیر الدر المنثور میں اسرا ئیلی روایات کا تحقیقی و تنقیدی جا یزہ‘ تھا۔
مفتی محب الرحمان قاضی نے بھی فیڈرل اردو یونیورسٹی کے شعبہ اسلامیات سے اپنی پی ایچ ڈی کے مقالے کا کامیابی سے دفاع کیا۔موصوف دارالعلوم کراچی کے ممتاز فاضل اور جامعۃ الرشید کے متخصص ہیں۔وہ گورنمنٹ دارالعلوم چترال شاھی مسجد میں خدمات انجام دے رہے ہیں۔ان کا موضوع ”قاضی اقرار الدین احوال و آثار اور فتاوی اقراریہ کی تحقیق وتعلیق“ تھا۔
