چترال (نما یندہ چترال میل) چترال شہر کے نواحی گاؤں سینگور کے محلہ گنکورینی کے مکینوں نے نماز جمعہ کے بعد علاقے میں زیر تعمیر فائیواسٹار ہوٹل بی جان کے انتظامیہ کے خلاف احتجاجی جلسہ منعقد کیا اور ضلعی انتظامیہ سے مطالبہ کیاکہ ان کے گھروں کی چادر اور چاردیواری کو پامال ہونے سے بچایا جائے جوکہ ہوٹل کی غیر ذمہ دارانہ تعمیر کی وجہ سے خطرے میں پڑ گئی ہے جبکہ چا ر دیواری کا تحفظ ریاست کی بنیادی ذمہ داریوں میں شامل ہے۔ مظاہرین اپنے مطالبات کے حق میں پلے کارڈ ز بھی اٹھارکھے تھے۔ بعدازاں محلہ کمیٹی کے چیرمین اور سابق تحصیل ناظم مولانا محمد الیاس نے دوسرے ممبران سیف خالق، علیم زار، حاجی سردار ولی، فضل رحیم، محمد شریف، کلیم اللہ کی معیت میں ایک پریس کانفرنس سے خطاب کرتے ہوئے کہاکہ بی جان ہوٹل اس ضلعے کا سب سے بڑا پراجیکٹ ہے جس پر اربوں روپے خرچ ہورہے ہیں لیکن اسے بغیر کسی ایس اوپیز کے بنایا جارہا ہے جوکہ اڑوس پڑوس میں گھروں میں رہنے والوں کی تحفظ کے لئے بنائے جاتے ہیں جس کی وجہ سے پراجیکٹ کی تعمیر کے دوران ان کی صحت اور گھروں کی صفائی کو اور اس کی تکمیل کے بعد ان کے پردے اور پرائیویسی کو شدید خطرہ لاحق ہوگیا ہے۔ انہوں نے کہاکہ محلے کے رہنے والوں نے ہوٹل کی تعمیر کاسب سے پہلے خیر مقدم کیا تھا لیکن ہوٹل انتظامیہ نے اپنی لاپروائی اور غیرذمہ دارانہ روئیے کی وجہ سے ان کی زندگی اجیرن بنادی ہے جس کی وجہ سے وہ میدان میں نکل آنے پر مجبور ہوئے ہیں۔ انہوں نے اس بات پر افسوس کا اظہا رکیاکہ بار بار ہوٹل انتظامیہ کے نوٹس میں لانے کے باوجود شکایات کا ازالہ کرنے کی بجائے محلے کے بزرگوں کے خلاف ضلعی انتظامیہ کو اکسانے کی کوشش کی جارہی ہے۔ انہوں نے محلے کے سات نکاتی تحفظات کا اعادہ کرتے ہوئے محلہ کمیٹی کے ساتھ مل کر ایس او پیز بناکر بی جان ہوٹل کے انتظامیہ کوان کا مکمل پابندبنانے، ہوٹل سے متصل گھروں کے پردے کو یقینی بنانے، کنسٹرکشن سائٹ سے ملبہ لے جاتے وقت سیفٹی رولز کا خیال رکھنے، علاقے کے اندر کسی بھی جگہ ملبہ گرانے سے گریز کرنے اور علاقہ کے اندر ہرقسم کی غیر اخلاقی، غیر قانونی اور غیر شرعی اعمال سے اجتناب کرانا شامل تھے۔
تازہ ترین
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے