اسلام آباد(نیوز ڈیسک) نیب کی تحقیقاتی ٹیموں نے نیشنل ٹیسٹنگ سروس کے 2 دفاتر پر چھاپہ مار کر ادارے کے سی ای او ڈاکٹر شیر زادہ سمیت دیگر ملازمین کو حراست میں لے لیا،جبکہ ان کا مین سرور بھی اپنی تحویل میں لے لیا ہے۔
نجی چینل ”ایکسپریس نیوز“ کے مطابق بدعنوانیوں اور پرچے لیک ہونے کی شکایت پر چئیرمین نیب نے نوٹس لیا تھا اور نیب کی تحقیقاتی ٹیمیں تشکیل دی تھیں۔ آج نیب کی تحقیقاتی ٹیمیں اسلام آباد میں این ٹی ایس کے دو دفاتر میں پہنچ گئیں اور این ٹی ایس کے ریکارڈ کا جائزہ لینے کے بعد قبضے میں لیا۔ نیب نے این ٹی ایس کے چیف ایگزیکٹیو آفیسر ڈاکٹر شیر زادہ اور ایڈمن انچارج سمیت 5 افراد کو حراست میں لے لیا۔
نیب حکام نے این ٹی ایس کے عملے سے پوچھ گچھ بھی کی۔ نیب کی ٹیموں کے ہمراہ ایف بی آر کا عملہ بھی موجود ہے۔ واضح رہے کہ گزشتہ چند ماہ سے این ٹی ایس کی جانب اعلیٰ سرکاری یونیورسٹیوں میں داخلے کے لیے انٹری ٹیسٹ کے پرچے آو¿ٹ ہورہے تھے۔ جس کی وجہ سے ان امتحانات کی ساکھ بری طرح متاثر ہوئیتھی اور چیئرمین نیب نے اس کا نوٹس لیا تھا۔
دوسری طرف کراچی میں میڈیکل یونورسٹیوں میں داخلے کیلیے این ٹی ایس ٹیسٹ کیخلاف درخواست دائر کی ہوئی ہے، جس میں استدعا کی گئی ہے کہ 22اکتوبر کو ہونیوالے ا نٹری ٹیسٹ کو کالعدم قراردیا جائے،این ٹی ایس کوداخلے کیلیے حتمی فہرست تیارکرنے سے ر وکا جائے۔درخواست میں مزید استدعا کی گئی ہے کہ میڈیکل یونیورسٹی میں داخلے کیلیے ازسرنوانٹری ٹیسٹ کاحکم دیاجائے،جس پر عدالت نے د رخواست پر 3 نومبر تک فریقین سے جواب طلب کرلیا۔وزیراعلیٰ سندھ نے بھی صوبائی حکومت کومعاملے کی تحقیقات کاحکم دیاہے۔