دروش( نمائندہ چترال میل ) ڈپٹی کمشنر لوئر چترال محمد علی خان نے ڈی پی او اکرام اللہ خان اور ونگ کمانڈر دروش قیصر رضا کے ہمراہ ٹی ایچ کیو ہسپتال دروش کا دورہ کیا۔ اس موقع پر ایس ڈی پی او دروش اور علاقہ عمائدین بھی موجود تھے۔ افسران نے ہسپتال کی ایمرجنسی میں علاج معالجے کی سہولیات کا جائزہ لیا۔مریضوں کی عیادت کی اور ایمرجنسی میں طبی سہولتوں کا جائزہ لیا۔ ڈپٹی کمشنر نے مریضوں اور تیمارداروں سے ہسپتال میں مہیا کردہ سہولیات اور مفت ادویات کی دستیابی کے بارے میں دریافت کیا۔ ڈپٹی کمشنر نے ہسپتال عملے سے مسائل دریافت کئے اور درپیش مسائل میں ضلعی انتظامیہ کی طرف سے تعاون کی یقین دہانی کرائی۔ انہوں نے مریضوں سے بروقت چیک اپ اور دستیاب سہولیات کے بارے میں استفسار کیا۔ ڈپٹی کمشنر نے ہسپتال انتظامیہ کو مریضوں کے چیک اپ کا عمل مزید تیز اور اور مریضوں کومفت ادویات کی فراہمی ہر صورت یقینی بنانے کی ہدایات جاری کیں۔