چترال (نما یندہ چترال میل) ڈسٹرکٹ پولیس افیسر لویر چترال ناصر محمود نے کہا ہے کہ چترال ایک پرامن علاقہ ہے جہاں کے رہنے والے امن وامان کو اپنی پہلی ترجیح پہ رکھتے ہیں اور اپنی صدیوں پرانی تہذیب وثقافت کو بھی مضبوطی سے تھامے ہوئے ہیں اور چترال پولیس کا یہ عزم ہے کہ ایسے علاقے میں منشیات کے کاروبار میں ملوث افراد کے ساتھ آہنی ہاتھوں سے نمٹا جائے گا اور منفی معاشرتی سرگرمیوں کی کوئی گنجائش اس ضلعے کے حدود میں نہیں ہے۔ لویر چترال کے ڈی پی او کا چارج لینے کے بعد چترال پریس کلب کے وفد کے ساتھ تعارفی نشست میں انہوں نے کہاکہ منشیات کا کاروبار کرنے والے نئی نسل کو تباہی کے راستے پر ڈال رہے ہیں اور یہ سب کا مشترکہ دشمن ہیں اور معاشرے کے ہر فرد کی ذمہ داری بنتی ہے کہ وہ ان دشمنوں کا قلع قمع کرنے میں پولیس کا ساتھ دے۔ انہوں نے چترال کے دیگر سماجی مسائل کا ذکر کرتے ہوئے کہاکہ پولیس اور عوام کے درمیان ایک خوشگوار تعلق بناکر ہی ان پر قابو پایا جاسکتا ہے اور وہ اس سلسلے میں قابل عمل منصوبہ بندی کریں گے۔ اس سے قبل چترال پریس کلب کے صدر ظہیر الدین کی قیادت میں وفد نے انہیں امن وامان کے حوالے سے زمینی حقائق سے آگاہ کیا۔ وفد کے دیگر ارکان میں سیف الرحمن عزیز، شہریار بیگ، فخر عالم، نور افضل خان،عبدالغفار، محمد رحیم بیگ، بشیر حسین آزاد، نذیر احمد شاہ شامل تھے۔
تازہ ترین
- ہومتعلیمی اداروں میں موسم بہار کی تعطیلات کا اعلان
- ہومخیبرپختونخوا حکومت نے رواں سال ترچ میر سال کے طور منانے اور چترال میں سالانہ ترچ میر فیسٹیول شروع کرنے کا اعلان
- ہومموجودہ ملکی صورتحال کے پیش نظر لوئر چترال میں موجود چائنیز ورکرز اور حساس مقامات کی سکیورٹی کو مزید بہتر بنانے کے سلسلے میں خصوصی میٹنگ کا انعقاد
- ہومٹی بی کے عالمی دن کے مناسبت سے ڈسٹرکٹ ہیڈکواٹرہسپتال ضلع لوئرچترال میں ضلعی ٹی بی کنٹرول پروگرام اورایسوسی ایشن فارکمیونٹی ڈیویلپمنٹ (اے سی ڈی)کے زیرانتظام ایک آگاہی سمینار
- ہومبروغل میں شدید برفباری کے نتیجے میں غذائی قلت کے خطرے کو ٹالنے کے لئے لحہ محمود فاؤنڈیشن نے راشن پیکج سے بھری درجنوں گاڑیاں یارخون لشٹ کی طرف روانہ کردیا۔
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”یوم پاکستان کی تقریبات اور میرے آنسو“۔
- ہومقدرتی ماحول کی حفاظت کیلئے درختوں کی حفاظت کرنا اور پودے لگانا بہت ضروری ہے۔خطیب شاہی مسجد چترال مولانا خلیق الزمان کاکاخیل کا جمعہ کے اجتماع سے خطاب
- ہومڈی پی او لوئر چترال قمر حیات خان نے ٹریفک قوانین سے متعلق اگاہی مہم کے ساتھ ساتھ عملدرآمد کا سلسلہ شروع کیا ہے.
- ہوم21 مارچ 2024 عالمی یوم جنگلات کے حوالے سے ہیڈ کوارٹر چترال سکاؤٹس میں شجرکاری مہم کے حوالے سے تقریب کا انعقاد۔
- ہوموائس چانسلر یونیورسٹی آف چترال پروفیسر ڈاکٹر ظاہر شاہ صاحب کا ٹینیور مکمل ہونے کے موقع پر چترال یونیورسٹی ٹیچرز ایسوسی ایشن (CUTA) کی جانب سے ان کے اعزاز میں الوداعی افطار ڈنر اور تقریب کا انعقاد کیا گیا